Vih geiqniemh Gozvuyen fat- bouh 《Fueng’anq Sawcuengh》 60 hopbi, doicaenh vwnzva minzcuz haeuj hagdangz, baij gij cingzcik ronghsag caeuq gij bienqvaq hung- loet gaijgwz hailangh ca mbouj geijlai 40 bi daeuj ginghci hwngfat、ndawbiengz cinbu、minzcuz doxgiet、cienzswnj vwnzva minzcuz daengj dieg minzcuz Bingzsiengz. Ndwen 12 ngoenz 8 banhaet, Bingzsiengz Si gaiq daih’it cungh siujhagseng dox- dax gangj gojgaeq Vahcuengh youz Bingzsiengz Si Minzyijban caeuq Minzcuzgiz、Gyauyuzgiz、Bingz- siengz Si Daih’it Cunghyoz doengz- caez banh haenx youq Bingzsiengz Si banh. 18 boux cungh siujhagseng daj gak aen cungh siuj hagdangz Bingzsiengz Si leh okdaeuj haenx camgya doxdax.

Doxdax seiz, gyoengq hagseng yungh Vahcuengh biucinj gangj gij gojgaeq ndei cienzswnj vwnzva minzcuz caeuq fatseng youq mbanj- ranz、hagdangz bonjfaenh haenx, danqhaenh gij saehsaed hawj vunz gamjdoengh dieg minzcuz henzguek okyienh caeuq gij bienqvaq hung- loet, hawj bouxyawj yienhciengz roxyiuj le gij vwnzva minzcuz、vunzmoq、saehmoq caeuq bienqvaq moq dieg Bouxcuengh.

Ginggvaq doxdax, doeklaeng bingz ok hagseng caeuq lauxsae sonyinx gak it daengj ciengj 2 boux, ngeih daengj ciengj 3 boux, sam daengj ciengj 5 boux, youhsiu ciengj 8 boux. Doenggvaq baez yienjgangj doxdax hozdung neix, gikfat gij yiedcingz bouxcoz nyezrauh hag Vahcuengh caeuq gangj Vahcuengh, coicaenh cienzswnj caeuq hwngfat song saw vah sonhag caeuq vwnzva minzcuz, dwg aen haidaeuz ndei Bingzsiengz hawj vwnzva minzcuz haeuj hagdangz.

(Vangz Meijcinh/黄美珍)