（baihgwnz swnj 1 banj）

Cinz Vuj iugouz, aeu yungh Siz Ginbingz seizdaih moq yiengh sevei cujyi miz Cungguek daegsaek swh- siengj guh ceijyinx, gaenjndaet gaemdawz “song aen doengzcaez” hong minzcuz cawjdaez, mboujduenh doidoengh hong Sawcuengh Vah- cuengh youq lizsij seizgeiz moq yienh’ok daengguh moq、 guh’ok gungyen moq, aeu giendingh mbouj bienq doihengz Sawcuengh Vah- cuengh, gyagiengz senhconz gvancez 《Fueng’anq Sawcuengh》, cawjdoengh doiqciep anbaiz moq iugouz moq, baujhoh caeuq cienzswnj vwnzva Bouxcuengh. Aeu gya’gvangq diuz roen moq doihengz yungh Sawcuengh Vahcuengh, gyagiengz gohyenz、diuyenz caeuq diucaz yenzgiu ndawbiengz yungh vahsaw minzcuz, laeb ndei aen dijhi biucinj gveihfan Sawcuengh Vahcuengh, doidoengh vwnzva Bouxcuengh hwngfat hoengh- vuengh. Aeu gyagiengz lingjdauj、comzgiet rengzdoxgap, laebbaenz laebcaez aen gihgou guhhong saw vah minzcuz vunznoix, vih gij saehnieb vahsaw minzcuz laebdaeb cangqheiq hwngfat daezhawj rengzrwd baujcang.

Guekgya Minzveij fucujyin Lij Canghbingz daiqbiuj Guekgya Minz- veij cukhoh ciuhai aenhoih, maq- muengh Guengjsae gak gaep dangjveij、cwngfuj yungh Siz Ginbingz seizdaih moq yiengh sevei cujyi miz Cungguek daegsaek swhsiengj guh dazyinx, gaenjndaet gaemdawz gij moegbiu yinvu hong minzcuz guek raeuz, genhciz mbouj soeng guh ndei hengzguh 《Fueng’anq Sawcuengh》, hawj gij saehnieb Sawcuengh Vah- cuengh youq mwh fugsaeh cungsim guhhong fatok cozyung gaenxmaenx.

Aenhoih byaujcangh le buek senhcin cizdij caeuq bouxvunz hong vahsaw minzcuz vunznoix biujyienh yienhda he, fathawj Namzningz Si Gyauyuzgiz daengj 17 aen danhvei “aen cizdij senhcin guhhong vahsaw minzcuz vunznoix Guengjsae Boux- cuengh Swcigih” cwngheuh, fathawj Vuj Dunghboh daengj 54 boux “bouxvunz senhcin guhhong vahsaw minzcuz vunznoix Guengjsae Boux- cuengh Swcigih” cwngheuh.

Swcigih fucujsiz Vangz Veijgingh cujciz aenhoih caemhcaiq gangj gij gietdingh byaujcangh.

Swcigih lingjdauj Sunh Daveij、Vangz Goj、Yungz Swsingh、Gauh Fungh camgya hai hoih, caemhcaiq caez fat ciengj hawj boux daiqbiuj ndaej ciengj. Guekgya mizgven buveij lingjdauj、boux lauxhangz Sawcuengh Vahcuengh ndaw gih rog gih、 bouxfucwz mizgven danhvei hong minzcuz daengx gih camgya hai hoih.

(Couh Goh Dungj Vwnzfungh)