Sawcuengh caux okdaeuj,

Bouxcuengh raeuz miz muengh.

Caeuq daengx guek beixnuengx,

Siengjmuengh ndaej saedyienh.

壮文一出榜，

壮族有希望。

与各族兄弟，

共实现梦想。

Bauganh Sawcuengh raeuz,

Dawz daeuj yawj couh rox.

Miz haujlai gohyoz,

Hag rox son lwglan.

壮文报刊来，

一看就知道。

知识放光彩，

用来教后代。

58 nienz 3 nyied,

Ciep haujlai beixnuengx.

Bae yienh hag Sawcuengh,

Maqmuengh ndaej hai fwed.

五八年三月，

带姑娘小伙。

去县里学习，

梦想得展翅。

Sawcuengh son gou gvai,

Rox haujlai cwngcwz.

Ndaej fuzbinz ciengx cwz,

Gai gyoengq cwz bienq fouq.

壮文教我乖，

引我向前迈。

扶贫政策来，

卖牛钱满袋。

Sawcuengh seih saw raeuz,

Ndei hag youh ndei geiq.

Naihsim hag song geiq,

Ndaej geiq maenh haeuj uk.

壮文好无比，

易学又易记。

刻苦学两季，

牢记在心里。

Sawcuengh hwnj vangjloz,

Fatcaiz lohloh doeng.

Sou geij moix yiengzcoeng,

Gai goeng ndeu couh sat.

壮文一上网，

发财路通畅。

收几亩洋葱，

一下就卖完。

Sawcuengh hag ndaej angq,

Sim gvangq lumj liengj hai.

Fwed Gun Cuengh mbe hai,

Mbin gvaq haij gvaq bya.

高兴学壮文，

胸怀似伞开。

壮汉双翅摆，

越山又过海。

Sawcuengh son gou gvai,

Gaenx hag cihsiz lai.

Sawq dawz bit daeuj raiz,

Faenzcieng gvai okdaeuj.

勤学壮文乖，

知识满脑海。

笔下有色彩，

佳作出世来。

Aeu Sawcuengh sij doiq,

Hoij bakdou song bangx.

Caezgya raen sim’angq,

Gvaqcieng rangh bauq yiengj.

壮文写对联，

贴门过旺年。

大家把头点，

春节炮震天。

Samcib haj bi daeuj,

Caeuq de gvaq ndwenngoenz.

Dajdingh limqva loenq,

Lumj ngoenj ndiepgyaez de.

三十五寒暑，

壮文伴身边。

花瓣已落土，

爱她似当初。

Riengzlaeng dangjcunghyangh,

Baenz siujgangh sevei.

Sawcuengh ganq ndaej ndei,

Loq beixnuengx ndaej nduen.

紧跟党中央，

生活变小康。

壮文得兴旺，

大家圆梦想。

Sawcuengh lumj dujva,

Dieg Cunghvaz daz sanq.

Bouxcuengh gyoengq lwglan,

Caez ganqhoh hoenghhwng.

壮文似朵花，

开遍我中华。

壮家好儿孙，

呵护她壮大。