Gaxgonq, miz boux vuengzdaeq ndeu gag nyinhnaeuz swhgeij gig coengmingz. Miz ngoenz he, boux vuengzdaeq neix okbuengj lwnh hawj lwgminz, naeuz danghnaeuz miz byawz rox hawj vuengzdaeq naeuz gij vah de gangj dwg vah yaeuh, yienghneix bouxvunz neix couh ndaej ciengj daeh gim ndeu. Gyoengqvunz rox le, bouxboux cungj bae sawq, hoeng, cungj mbouj miz byawz ndaej daeh gim ciengj haenx.

Miz ngoenz he, miz goenglaux he bae sawq. De menh byaij haeuj ndaw goengdienh, vuengzdaeq baez raen de, ndawsim gag ngeix: Boux goeng- laux neix laux baenzneix, de haengj- dingh caeuq gyoengqvunz gaxgonq doxdoengz, doeklaeng song fwngz byouqyangyang dauqbae. Goenglaux neix daeuj doiq vuengzdaeq naeuz:“Biya, seizneix mwngz itdingh mbouj geiq ndaej gou lo. Gaxgonq, mwngz okrog bae youz seiz, yiemq daeh gim ndeu duh gou!”

Vuengzdaeq baez dingq, doek- saet caez, seizhaenx de mbouj miz maz banhfap lo. Naengh naeuz goenglaux neix gangj vah yaeuh, de couh ngaiz hawj goenglaux neix daeh gim ndeu; naengh nyinhnaeuz goenglaux neix gangj gij vah dwg caen, de couh wnggai boiz daeh gim he hawj goenglaux neix dauq.

Doeklaeng, vuengzdaeq fouznaih lo, cij ndaej hawj goenglaux neix daeh gim ndeu! Gyoengqvunz rox le, cungj haenh boux goenglaux neix coeng- mingz.