Youq mwh 《Fueng’anq Saw- cuengh》 fatbouh 60 hopbi, giethab gij cingsaenz Cibgouj Daih dangj, ndwen 11 ngoenz 21 banhaemh, Hocouh Si Minzcunghveij、Minzyijveij lienzhab Cauhbingz Yen Vangzyauz Cin Dangjveij、Cwngfuj, Cauhbingz Yen Minzcunghgiz youq Vangzyauz Cin Fungli Cunh banh aen vwnzyi vanjvei geiqniemh 《Fueng’anq Saw- cuengh》fatbouh 60 hopbi nem aen- ban daezswng canghfwen Yauzcuz, vih gyoengq vunzlai minzcuz vunznoix daezhawj aen daizheiq langhbaij bonjfaenh he. 30 lai boux canghfwen minzcuz vunznoix daj sam aen yienh song aen gih daeuj haenx ndang daenj buhvaq minzcuz hwnj daiz biujyienj.

Yienj gofoux 《Fwen Ndei Lumj Raemxdah Seizcin》 hainduj le baez vanjvei neix, go Bouxcuengh 《Daengx Guek Caez Hoh Cibgouj Daih》、gofoux Yauzcuz 《Raemx Lae Fwen Angq Coux Hek Daeuj》《Hoh Fung- sou》、 diuqfoux Yauzcuz 《Foux- gyongraez Gaeuyiengz》 daengj, cung- faen langhbaij le gij cingsaenz yienghsiengq beksingq gak cuz Hocouh gaenx guh maenh’ak、gaenx- maenx doxhwnj; bouxsai gagciengq 《Golaux Buenzvuengz》、 Mehmbwk gagciengq 《Angq Ciengq Cibgouj Daih》 daengj, langhbaij le gij siengj- muengh caeuq gietsim beksingq gak cuz youq laj minzcuz cwngcwz dangj ciuqrongh caez hwnjguh gyaranz gyaeundei、caez guh siengjmuengh Cungguek. Vanjvei yienhciengz lij cap haeuj hoizdap gij cihsiz fap gagguenj dieg minzcuz dem, doeng- gvaq gij hingzsik vunz cam vunz dap, hawj aen cidu gagguenj dieg minzcuz haeujlaeg simvunz.

(Hoz Vazlanz/何华兰)