Sai:

Ngoenz gouj nyied cogouj,

Bouxboux aeu roxndeq,

Ngoenzneix gingq bouxgeq,

Ndaem cehhauqswnh roengz.

Mbwk:

Ngoenz gouj nyied cogouj,

Bouxboux yaek aeu rox,

Gingq bouxmeh bouxboh,

Doq bienq laux bwn hau.

Sai:

Hungmbwk dwg bohmeh,

Gyoengqde ciengx raeuz hung,

Daj raeuz iq couh gung,

Cungj aeueiq bohmeh.

Mbwk:

Bohmeh sinhoj lai,

Raeuz wnggai roxndeq,

Bouxboux gingq bohmeh,

Bigeq ndaej vuenyungz.

Sai:

Cij cuk bohmeh gw,

Mboujguenj mwhlawz hwnq,

You daenj caiq you gwn,

Daengx hwnz mbouj haeuj ninz.

Mbwk:

Bohmeh seng ndang raeuz,

Caiq aeu cij daeuj bwnq,

Raeuz hung couh doxcwn,

Miz gwn hawj bohmeh.

Sai:

Seng raeuz roengz mwhde,

Meh in daengz dai dauq,

Maj baenz sau baenz mbauq,

Aeu hauqgingq bohmeh.

Mbwk:

Seng roengz couh gwq daej,

Bohmeh sim caez angq,

Hoh raeuz ndangdaej cangq,

Goq lwg sang baenzvunz.

Sai:

Daengq bouxmbwk bouxsai,

Wnggai ndiep bouxmeh,

Danghnaeuz miz makcej,

Hawj meh gwn gaxgonq.

Mbwk:

Daengq bouxmbwk bouxsai,

Wnggai ndiep bouxboh,

Danghnaeuz miz gaiqnoh,

Hawj boh gwn gaxgonq.

Hab:

Bouxboux ndiep bohmeh,

Sevei couh habdangq,

Byaij hwnj roen siujgangh,

Riu angq gvaq ndwenngoenz.