11 nyied 17 hauh, Liujcouh Si aen Funghhong Bouxgangjlwnh Beksingq Daih’it youq Liujcwngz Yen venjbaiz laebbaenz, gijneix hix dwg aendapdoz bingzdaiz moq gwnz sienq senhconz Liujcwngz Yen cauh ok ndeu, vih daengx yienh beksingq bouxgangjlwnh dapguh aen bingzdaiz hagsib he, caenh’itbouh daezswng gij cwngci suyangj、lijlun suijbingz bouxgangjlwnh, cienzmienh hwnghwnj hagsib senhconz cingsaenz Cibgouj Daih Dangj.

Aen funghhong bouxgangjlwnh beksingq youq ndaw gunghyenz iq Bwzyangz Gvangjcangz Liujcwngz Yen, ciemq dieg daih’iek 70 bingzfanghmij, boiq miz 700 cek gak cungj saw gangj cingsaenz moq、swhsiengj moq、gvanhdenj moq Cibgouj Daih Dangj. Bouxgangjlwnh beksingq doenggvaq vunz henz ndang gangj saeh henz ndang, yungh doengh cungj gamjcingz doxgyau neix ceiq yungzheih ndaej daengz ndaw sim vunzlai ciep nyinh, ndaej daengz gyoengq beixnuengx ndaw mbanj caez haenhndei.

(Dangh Yaujgveiz/汤晓逵 Vuz Caili/吴再丽)