●Mboengqneix, Denzlinz Yen Minzcuzgiz bae daengz minzcuz hagdangz aen yienh neix, cujciz haiguh bi 2017 minzcuz lijlun、minzcuz cwngcwz caeuq minzcuz faplwd fapgvi senhconz gyauyuz haeuj hagdangz hozdung, doenggvaq cujciz lauxsae haiguh ciendaez gyangjcoz, fat senhconz swhliu hawj hagseng lauxsae hagdangz, cujciz hagseng haiguh cihsiz doxdax daengj lai cungj hingzsik, soengq gij minzcuz cwngcwz faplwd fapgvi cihsiz dangj caeuq guekgya raeuz hawj gyoengq hagseng.

(Banh Sauginh)

●Ndwen 11 ngoenz 14, Sanhgyangh Dungcuz Swciyen Fuluz Myauzcuz Yangh haiguh hong “yawjrox najvunz”, youq gvaengxlaengx daengx yangh doiq bouxgeq 60 bi doxhwnj guh yawjrox najvunz, doeng- gvaq yawjrox gyalai guenjleix gij ngaenzgoek baujyiemj ciengxlaux gihbwnj vunz haw- singz lajmbanj, mizyauq gaem- hanh gij hingzveiz mauh lingx、 yaeuh lingx gij ngaenz ciengx- laux, ancienz henhoh gij ngaenzgoek baujyiemj ciengx- laux.

(Gunj Yicungh)

●Ndwen 11 ngoenz 14, Gunghcwngz Yauzcuz Swciyen daj hagseng guh hwnj, youq Lenzvah Cuhcungh banh “heiq haeuj ndawhag” senhconz gvancez gij cingsaenz Cibgouj Daih vwnzyi yienjok, doenggvaq yungh gij biujyienj hingzsik caeuq cezmuz “beksingq guh cungsim” haenx, yungh cungj fuengsik neix, hawj gyoengq lauxsae hagseng hag ndei gij cingsaenz Cibgouj Daih dangj.

(Siz Yenjcwngh)

●Geij bi neix daeuj, Denzyangz Yen Bohhungz Cin aeu gyalai gij souhaeuj vunz- guhnaz guh haedsim, gohyoz gveihva, aeu hwngfat dajndaem dajciengx daegbied dangguh gij cujdauj canjnieb hwngfat laj- mbanj, haenqrengz doicaenh canjnieb gezgou diuzcingj, dajndaem dajciengx daegsaek hwngfat mwnhoengh, bienq- baenz diemj demmaj moq ginghci hwngfat, vih vunzlai hai haujlai diuz loh laisou.

(Cinz Sinhyij)