Dangj hai Cibgouj Daih

Raeuz daihgya caez rox

Fujbai gazfwngz coq

Byaij diuz loh seuqcingh

Yaek cienzmienh ceih dangj

Mbouj hawj ndang miz bingh

Fujbai mbouj cawz cingh

Gwnzbiengz ningswdswwd

Byaij hwnj gij roen moq

Cawz gwnz loh rin lanz

Boux fujbai mbouj banh

Nanz haidin baenaj

Raeuz ndaem haeux baenzbungj

Dungxiek vih gijmaz

Miz duznou ndaw naz

Caeg da haeux bae gwn

Raeuz cae reih gwnz bya

Vih gijmaz gemj canj

Miz gaenglingz daeuj fan

Doeklaeng gan guh hong

Youq gyang doengh ndaem haeux

Wng haeujsim fuengz non

Hwnz ngoenz gaenx bae ngonz

Daengz gonz cij ndaej dem

Gij naz youq bakdou

Aeu fuengz mou fuengz gaeq

Daengz haeux mwh yaek ndaej

Bae dawz fuengz vunz caeg

Raeuz ndaem haeux maj sang

Dangh miz non daeuj haeb

Vanq yw gaj non raeg

Gohaeux caeb baenz bo

Guh fujbai sim nduk

Lumj duzguk ndaw laep

Daengz gyanghaemh ninz ndaek

De daeuj caeg mougaeq

Guh fujbai sim haeu

Doengz ndaw laeuj fat non

Ciengx mou raeuz gaenx bonj

De swnh mon caeg yien

Guh fujbai sim naeuh

Doeg gvaq gaeugoenqsaej

Raeuz ndaem haeux yaek ndaej

De dawz feiz bae lag

Duznyaek caeg gwn byaek

Duzguk caeg gwn vaiz

Song duz neix sim vaih

Gwn vunzlai lwedhanh

Nohbya dwk ndaw giuq

Duznyaek ciuz bae cung

Cwz yiengz langh ndaw rungh

Guk baez bungz coemj gwn

Duzguk caeg mou gaeq

Duznyaek gyaez caeg ngaiz

Guhcaeg ceiq ndaej lai

Deuz baihrog bae ndoj

Bouxfujbai guhcaeg

Baenzngoenz caeg mou gaeq

Dwk ngaenz guek coq daeh

Sai cienz lae lumj dah

Bouxfujbai sim vaih

Haih lwgminz guekgya

Dam aeu ngaenz baema

Dawz bae saj guh’angq

Gungcanjdangj yinghmingz

Fanj fuj dingh ndaej hingz

Ciengxlwenx hix mbouj dingz

Lwgminz sing hemq ndei

Dangj lumj bohmeh raeuz

Raeujrub lumj daengngoenz

Vih lwgminz bae hoenx

Foenxfoenx bekfwngz haenh

Gungcanjdangj yinghmingz

Gingz gij geiz fanj fuj

Genhciz roengzrengz guh

Duznyaek menh mbouj raen

Dangj vih minz cawz haih

Fanj fuj dai mbouj daengx

Guk laux dawz bae gyaeng

Duznyaek laengz ndaw muengx

Gungcanjdangj caen ndei

Mbeihung bae buekmingh

Guk laux hix gamj ning

Gaenglingz hix aeu coemj

Guk laux hix aeu gyaeng

Gaenglingz hix aeu gaemh

Nengznyaek ndoj henz daemz

Caemh deng coemj dauqma

Mbin hwnj mbwn hix nyingz

Ndoj roengz congh dingh bywnj

Cingq seizneix doek fwn

Swiq gwnzbiengz ndaej cingh

（caengz sat）