Gou miz aen ranz iq rox fapswd yungh rinbyamaj guh baenz he. Gou byaij haeuj ranz iq, laep aenda hwnj, siengj giz dieg yaek bae haenx, ranz iq rox fapswd haenx couh gig vaiq mbin bae daengz giz dieg yaek bae haenx.

Miz seiz, gou mbin daengz gwnzmbwn. Gij fwj cungj dwg gij dangzfaiq vansubsub, ndei gwn dangqmaz. Gizlawz yaek siengj aeu fwn, gou couh mbaet aeu gaiq fwj he gvaqbae, “dangz- faiq” couh bienqbaenz fwn hawj gomiuz majhung.

Miz seiz, gou bae daengz daejhaij. Gou caeuq duzbya ndaw haij guhcaemz, gou naengh youq aencongh byoq raemx gwnz ndang duzginghyiz, duzginghyiz baez byoq raemx, couh dawz gou byoq hwnj byonghmbwn bae. Caen yinxdaeuz ha!

(ngeih nienzgaep Banh Liengyij)