11 nyied 8 hauh，Ningzmingz Yen Cwngfuj caeuq Yanghgangj Siengzyez Cizdonz Mizhanh Gunghswh ciemdingh le aen hanghmoeg vanzbauj aeu ganj- goenghgo ma guh giengh caeuq bwnhyoujgih he.

Aen hanghmoeg neix gungh roengz- ngaenz 2.2 ik maenz, ciemq dieg 50 moux, hwnjguh aencangj buenq bi. Ndawde Yanghgangj Siengzyez Cizdonz Mizhanh Gunghswh ok cienz 1.54 ik maenz, Ningzmingz Yen Hungzfungh Nungzyez Fazcanj Mizhanh Cwzyin Gunghswh cujciz hohgungzhoj 1320 hoh yungh siujngwz daigvanj haeujguj ok cienz 6600 fanh maenz. Aen hanghmoeg neix cujyau yienzliuh dwg ganjdoenghgo caeuq fiengz daengj, douzcanj le gojndaej saedyienh bi guh 10 fanh dun cenhveiz doenghgo caeuq 1 fanh dun bwnhyoujgih, hohgungzhoj moix bi gojndaej giyez faenhoengz mbouj noix gvaq 1 fanh maenz. Ningzmingz hengzguh aen hanghmoeg neix le, yaek guhbaenz Guengjsae aen yienghbanj cingcinj banggungz he.

(Couh Yizgangh/周贻刚)