Bineix daeuj, Namzningz Si Vuj- mingz Gih Cwngzsiengh Cin laebdin saedsaeh, ra cinj roenloh, gaenjndaet hopheux canjnieb bangfuz guh faenz- cieng, rengzrwd doicaenh daengx cin hong cingcinj vut gungz hwngfat baenaj.

Gag fatdoengh. Aen cin neix doenggvaq haeuj mbanj haeuj ranz, caeuq ranzgungzhoj “it doiq it” doiqciep, doiq ranzgungzhoj miz dajndaem dajciengx diuzgen saedhengz “it ranz it cwngcwz”. Bineix daeuj aen cin neix gungh doeksaed gij ngaenzcienz canjnieb bangfuz 82 fanh maenz, miz 155 ranz ranzgungzhoj laeb dangjanq laeb gaj hwngfat dajndaem dajciengx hanghmoeg, ndawde hwngfat dajndaem mak daengj miz 109 ranz, hwngfat dajciengx vaizcwz daengj miz 86 ranz, saedyienh ranzgungzhoj canj- nieb cienzbouh cwgoemq.

Canjnieb daiqdoengh, aen cin neix gaenxmaenx fatok canjnieb daiqdoengh cozyung, baengh ndaw cin bouxguhnaz ciennieb hozcozse、gyaranz nungzcangz、ranz dajndaem lai、aen suen guhyiengh nungzyez youqndwi daengj caidij, hwngfat “it mbanj it yiengh”, daiq- doengh mbanjgungzhoj、ranzgungzhoj hwngfat daegsaek dajndaem dajciengx. Aen cin neix hengzguh “gunghswh+gihdi+nungzhoh” vunqsik, gyalai gij ligdoh gungganq aen giyez lingxdaeuz, sonyinx ranzgungzhoj yungh haeujguj hingzsik, dawz gij cienz daigvanj soqngeg iq haeujguj daengj Suen Mak Mingzmingz、Gyahvo Youhhanz Nungzyez daengj aen giyez lingxdaeuz bae, hawj ranzgungzhoj yiengjsouh “faenhoengz” fukleih, saedyienh laisou baenz miz.

Fugsaeh doidoengh. Aen cin neix gaenxmaenx ceng’aeu gak loih gij hanghmoeg ngaenzcienz bangfuz doek- saed daengz dieg, hengzguh gak loih bangfuz cwngcwz, vih daegsaek canj- nieb hwngfat dwkroengz giekdaej maenhsaed. Doengzseiz gaenxmaenx boiqhab hezdiuz caizcwng、nungzgi、nungzgih daengj bumwnz doiq daengx cin bangfuz canjnieb hwngfat daezhawj gisuz、yungzswh daengj fugsaeh ndei, vih ranzgungzhoj hwngfat bangfuz canjnieb siucawz youheiq, laeb le saenqsim, gyalai le doenghlig.

(Banh Gveivah)