Sanhgyangh Dungcuz Swciyen Bazgyangh Cin gawjhengz “dohyeh” Dungcuz doxdax, 12 aen doihdaiqbiuj daj dangdieg daeuj haenx doengz daiz doxdax baijyienj, aeu gij godohyeh rwzsug ndeidingq、yungzheih dingq rox haenx lwnhgangj Cibgouj Daih cingsaenz, cienz ciengq vutgungz gunggeng、minzcuz doxgiet、minzswngh gaijndei daengj veiminz cwngcwz, ciengq yiengj saed- ceij vuenyungz moq.

“Dohyeh” dwg hoiz yaem vah Dungcuz, eiqsei de dwg “ciengq go couh yaek aeu diuq foux”, dwg cungj hingzsik go cienzdoengj Cungguek Dung- cuz ndawde cungj ndeu, hix dwg Dungcuz fouxcizdij hung he, doengh boux camgya haenx cungj dwg fwngz rag fwngz humx baenz aen luenz, gaen bouxlingxciengq vaiqmenh doq ciengq doq foux.

(Vuz Lenyinh/吴练勋 Cauz Couhdingz/曹舟婷)