11 nyied 2 hauh, Liujcouh Si Yungzanh Yen 13 fanh moux makgaemjgaet yaek ndaej mbaet gai, aen yienh neix cujciz nungzyez gisuz yinzyenz haeuj daengz gak aen nungzcangz ndawranz ndaem makgaemjgaet、hozcozse makgaemjgaet haenx caeuyiengh cazniemh caeuq dinghsingq dinghliengh cazniemh, itdingh aeu baujcwng makgaemjgaet Yungzanh habgek ndaej gai, sawj vunzlai ndaej cawx daengz gijgwn cuengqsim、gijgwn mbouj miz doeg.

Ciuq cam rox, Yungzanh Yen itcig miz aen mingzdaeuz ndei “aen mbanj makgaemjgaet Cungguek”, dwg 《Makgaemjgaet》guekgya biucinj dinghguh danhvei caeuq daengx guek makgaemjgaet cujyau diegndaem ndawde aen ndeu. 2017 nienz, Yungzanh ndaem makgaemjgaet menciz dabdaengz 13.3 fanh moux, canjlieng gujsuenq 13.3 fanh dun, canjciz 5.8 ik maenz.

(Cinz Ginghoz/覃庆和)