“Lijmiz boux ndeu hix dwg vunz Mbanjgujhanz, bisoq de haemq laux di.” Ginh Vah naeuz.

“Nanzdauh dwg duicangj gungz?”

“Mbouj dwg, dwg mehmbwk ndeu.”

Ciuq gingniemh Ginh Fuzdingz daeuj yawj, bouxlaux dwg daeuj aeu gingniemh, bouxcoz dwg daeuj ra youx. Aenvih duiveij soudaengz it bak ngeihcib lai fung saenq, ca mbouj geijlai cungj dwg aen gangjfap ndeu: Gouz bang gyoengqde ra youx, yienghneix gyoengqde couh ndaej daeuj gizneix guh gwiz hwnjdou lo. Yabeiz, hauxseng dangqnaj neix, gangj mbouj dingh hix dwg cungj vunz neix ne. Mboujgvaq, hauxseng neix maj ndaej mbouj loek bw, bwnda gwd lwgda hung, ndang noh gietsaed, duzbeuq bungz daengz de, sam gienz couh ngaiz cuk dai lo.

Ginh Fuzdingz gwn ngaiz le, couh sikhaek daeuj daengz henz ndang dahlwg caeuq Yabeiz. Gyoengqde cingq gip gij makgak loenq deih haenx, Yabeiz fwngz vaiq ndaej lumj gaeq ding haeux nei.

“Lungzgim, faencik bineix miz bajbingq mauhgvaq roek maenz ba?” Yabeiz cam.

“Faencik bineix lij venj youq gwnz go ne, seizneix baenzlawz gamj gangj?” Ginh Fuzdingz fwngz vix gomakgak geq dangqnaj youh co youh soh haenx, “beijgangj go yienghneix, couh miz geijcib go, ndaw mbanj mbouj miz geijlai boux benz ndaej hwnjbae.”

“Gou sawqsawq.” Yabeiz yawj le ganjfaex da ndeu, biq song gaemz myaiz roengz angjfwngz bae, yienzhaeuh yat hwnj ganjfaex, got maenh, song ga maeuq roengz, yaepyet couh iet ndaej daengz ngafaex lo, de youh baengh song gen ok rengz cengj aenndang doxhwnj, couh yienghneix hwnj ndaej gwnz faex bae, yienzhaeuh de youh ra ndei giz ndeu, duet geubuh roengzma, cug ndei bakgenbuh, doq mbaet makgak doq oet haeuj geubuh bae. Din fwngz de youh riengj youh mbaeu.

Ginh Fuzdingz youq laj gofaex hemq：“Haeujsim, doek roengzma couh dai lobw!”

“Doek mbouj ndaej, duzlingz lij baiq gou guh saefouh ne, mbouj saenq mwngz cam Ginh Vah.”Yabeiz youq gwnz gofaex daekeiq vauvau.

Ginh Vah ndaq sing “vunzgyax”ndeu, yienzhaeuh lwnh boh de: Bi’gvaq, miz baez ndeu Yabeiz bae dwk yiengzrin, aencungq baez yiengj duz yiengzrin couh rouxringx roengz deih, Yabeiz buet gvaqbae raen de lij ajngaebfofo, de couh gwih hwnj ndang duzyiengz bae, fwngz ndeu gaem gokyiengz, fwngz ndeu gaem ndaek rin, siengj moeb dai de. Byawz siengj daengz duzyiengzrin bongh hwnjdaeuj couh buet, Yabeiz gwih youq gwnz laeng roengz mbouj ndaej, cijndaej caih de aemq dwk buetfwfw. Caj duz de buet baeg le, yamq din menh roengzdaeuj, Yabeiz cij diuq ndaej roengzdaeuj.

Ginh Fuzdingz dingq le doeksaet dangqmaz:“Soemhyiemj lai lo!”

“Deng bik hane!” Vah caengz gangj sat, Yabeiz gaenq daj gwnz faex diuq roengzdaeuj, cuengq geubuh, ciep gvaq aendaeh Ginh Vah ndenq hawj haenx, youh hwnj faex bae lo.

Mbaet go makgak haenx liux le, Yabeiz fatyienh gizdieg liz de mbouj gyae haenx, miz geij duz doqdoem hung lumj mehfwngz nei youq gwnz gomakseq raih bae raih dauq. Yabeiz hainduj“cuengq doq”guhcaemz lo. De daj bien gungx buhndaw rag ok geij diuz maesa, lamh hwnj ndang duz doq ndeu bae, yienzhaeuh daiq duz de hwnj dingjfaex bae cuengq. Mwh duz doq mbin bae aen rongz liz gyoengqde mbouj gyae haenx doekdin, de coh Ginh Fuzdingz heuh naeuz：“Lungzgim, aen rongz haenx miz doqdoem.”

Ginh Fuzdingz yawjyawj fuengyiengq de vix haenx, “miz dwg miz, mboujgvaq caeux ngaiz bouxwnq aeu gohaz guh geiqhauh lo.”

“Hojsik lo.”

“Mbouj hojsik, aenvih dwg gou guh geiqhauh.”

Yabeiz angq ndaej lumj lwgnyez gvaqcieng, naeuz:“Lungzgim, yaek daengz hanzloh, caiq mbouj hai rongz couh gyoeng lo!”

Ginh Fuzdingz itcig mbouj haeujsim gienh saeh neix, deng Yabeiz baenzneix gangj, de sikhaek laebsim lo：“Baenz, haemhneix raeuz couh daeuj coemh.”

“Coemh guhmaz? Ngoenzcog banringz gou daeuj gud.”

“Doengxngoenz duzdoqmeh mbin bae mbin dauq, mwngz gamj ning? Duzvaizdaeg ngaiz ndat gvaq cungj ngaiz rouxringx roengz deih, engq mbouj yungh gangj dwg vunz!” Ginh Fuzdingz miz di mbouj saenq.

“Yungzheih lai bw?”Yabeiz ndawsim gig miz daej, “mwngz youq bakcongh vanq song gaem roek roek roek faenj, mboujguenj duzdoqmeh dwg haeuj rox ok, nyouq daengz heiqyw couh ngaiz daimaez loenq liux lo, yienzhaeuh mwngz caiq doenghfwngz, haengjdingh mbouj loeng saek di!”

“Mwngz ha, caen dwg manz lai lo!” Ginh Fuzdingz riu hwnjdaeuj, riu ndaej gokda nyaeuq- nyuem, yawj daeuj de maqhuz sim’angq, de maij cungj “manz”neix. Bouxvunz Yauzcuz youq ndaw bya gyang rungh, mbouj manz di couh mbouj ndaej suenq bouxak lo.

Daengngoenz roengz bya seiz, Ginh Fuzdingz naeuz：“Ngoenzneix hong raeuz guh ndaej mauhsoq lo, couh souhong caeux di ba.”

Ginh Vah dawz makgak cang baenz song laep youh song daeh, eiqsei dwg sam boux cungj faen rap di. Hoeng Yabeiz roxnyinh mbouj gvaqyinx, de bae ra daeuj diuz faex ndeu caeuq song diuz gaeuco, siengj rap gij makgak neix liux bae.

“Ngoenzneix mwngz byaij loh gyae, youh guh hong, caiq dawz rap neix, baeg vaih aenndang baenzlawz guh.”Vah Ginh Vah yawj daeuj miz di sim’in.

“Bi’gyai haeuj bya vat beuzfaex seiz, mbouj miz haeuxngaiz gwn gou lij rap ndaej it bak betcib gaen, gijneix suenq gijmaz!”

“Boh, hawj de rap ba, yawj de baenzlawz ak lai!”

Bohlwg sikhaek couh youq moix aen laep gwnzde at hwnj aen daeh ndeu, aeu diuzgaeu roix ndei、 lamh maenh, riuj aenrap neix hwnjdaeuj sawq naek mbouj naek, daih’iek miz bak ngeih sam gaen. Hoeng Yabeiz rap hwnjdaeuj cix byaij ndaej lumj mbin nei.

“Naek lwi?”Ginh Vah cam.

“Couh lumj hawj mbaq gou gaeu humz nei.”

Ginh Vah riugekgek hwnjdaeuj.

Byaij ok dieg ndoeng seiz, fouzsoq doiq da ndonj gvaq ngamqnga ndomqndwd gyoengqde.

“Ginh Vah, ngoenzneix mwngz gip ndaej‘daihhoengz’lobw.”Daj ndaw ndoeng mbin ok baenz roix singriu daeuj.

“‘Daihhoengz’louz hawj mwngz, gij gou gip dwg ‘ganhcih’!”Ginh Vah coh ndoengfaex han le coenz ndeu.

Soj gangj “Daihhoengz”、“ganhcih”，cungj dwg gij daengjgaep makgak mbouj doengz. Ginh Fuzdingz mbouj rox gyoengqde dwg vix makgak roxnaeuz gizyawz gijmaz. Danghnaeuz dwg vix Yabeiz, baenzneix……De saekseiz mbouj miz cawjeiq.

Sam

Ngoenz daihngeih, Yabeiz youh riengz Ginh Vah song bohlwg bae mbaet le buenq ngoenz makgak. Banringzgvaq, de youq ndoeng makgak cienq le gvaengx ndeu, yienzhaeuh ciuq fuengfap ngoenzlwenz gangj haenx, aeu ndaej buenq laep doqdoem.(3)

“还有一位也是苦寒山的，年纪稍为大点。”金花说。

“莫不是穷队长?”

“不是，女的。”

按金福廷的经验，年长的是来取经的，年轻的是来找对象的。因为队委收到一百二十多封信，差不多都是一个口径：恳求给他们介绍对象，以便来上门入赘。眼前的亚培，未必不是这种角色。不过，这小伙子长相不错，浓眉大眼，一身肌肉，豹子碰上了他，有三拳就够了。

金福廷吃完午饭，立即来到女儿和亚培的身边。他俩正在拣落地八角，亚培的两只手快如鸡啄米。

“金大伯，今年的分值有把握突破六块吧?”亚培问。

“今年的分值正挂在树上呢，现在哪里敢讲?”金福廷手指跟前一蔸又粗又直的老八角树，“比如这样的八角树，就有几十蔸，寨里能爬上去的没有几个人。”

“我来试试。”亚培望了一眼树干，往手板啐了两口唾沫，纵身一跳，抱紧树干，两脚一蹲，不几下便抓到了树桠，再来个引身向上，选好位子，脱下衣服，捆好袖口，一边采八角，一边往里塞。动作敏捷、利索。

金福廷在树下说：“小心，跌下来可不得了!”

“跌不了，猴子还得拜我为师呢，不信你问金花。”亚培在树上显得十分得意。

金花骂了声“野人”，然后告诉她爸：去年，有一次亚培去打石羊，枪一响石羊就滚翻在地，亚培跑过去见它喘着大气，就骑在它身上，一只手抓角，一只手抓石头，想砸破它的脑袋。哪晓得石羊一纵身就飞跑，亚培骑羊难下，也只好由它背着跑。石羊跑困了，放慢了速度，亚培才跳得下来。

金福廷听了大为惊讶：“太冒险了!”

“那是迫不得已呀!”话未说完，亚培已经从树上跳落下来，丢下衣服，接过金花给的袋子，又上树去了。

拣完那蔸八角，亚培发现离他不远的地方，有几只拇指般大的地龙峰在一蔸小杨梅树干上爬来爬去。他开始进行“放蜂”游戏。他从衬衣的边角上扯下几根白布纱，拴在地龙蜂的身上，然后带到树尾去放。当它飞落在离他们不远的一个冲窝时，他向金福廷叫道：“金大伯，那个冲窝有地龙蜂。”

金福廷看了他手指的方向，“有是有，不过早已打上了茅标。”

“真可惜。”

“不可惜，那是我号的。”

亚培乐得像娃仔过年，说：“金大伯，寒露差不多到了，再不开窝就空了!”

金福廷一直不把这件事放在心上，经亚培这么一提，马上下了决心：“好，今晚我们来烧!”

“烧做什么?明天中午我来挖。”

“白天母蜂飞进飞出，你敢动它?大水牯挨螫都滚地，莫讲是人!”金福廷有点不相信。

“这不容易?”亚培胸有成竹，“你在洞口撒上两把六六六粉，母蜂不管是进还是出，嗅到那股味就中毒跌落，然后你再动手，保证万无一失!”

“你呀，真是野气十足!”金福廷笑了，眼角上的每一道皱纹，都充满了喜悦，表明他喜欢这种“野气”。瑶人住在深山野岭里，没有这点野气就算不得好汉了。

落日衔山的时候，金福廷说：“今天我们的任务超额完成了，收个早工吧。”

金花把八角装满两个背篓和两个布袋，意思是三个人都分摊一点。可是亚培觉得不过瘾，他讨来了一条木杠和两条粗藤。

“你今天又走路，又劳动，再压这一担，可别累坏了。”金福廷话里很有点心疼的味道。

“前年进山挖木瓢，没午饭吃我还挑一百八十斤，这点算什么!”

“爸，给他吧，看他有多能!”

父女俩立即在每个背篓上压个布袋，用藤子串好、绷紧，端起来试了试，约百二三十斤。可是亚培挑起来却快如飞。

“重吧?”金花问。

“等于给我肩膀搔痒。”

金花噗哧地笑了起来。

走出林子的时候，无数双目光透过八角林的枝枝桠桠向他们投射过来。

“金花，你今天拣上‘大红’了!”从林子里飞出了一串嬉笑。

“‘大红’留给你，我拣的是‘干枝’!”金花向林子里回了一句。

所谓“大红”、“干枝”，都是八角的不同等级。金福廷不知她们指的是八角还是别的什么。如果指的是亚培，那……他一时还拿不定主意。

三

第二天，亚培又随金花父女俩拣了大半天八角。下午，他在八角林里转了一圈，然后按昨天讲的方法，取回了大半篓地龙蜂。 (3)