Geij bi neix daeuj, Bingzgoj Yen dawz daegsaek nungzyez dangguh boujcaez gij gezdenj canjnieb hwngfat、diuz ndei nungzyez canjnieb gezgou cungdenj daeuj ca, baengh gijndei swhyenz, haenqrengz hwngfat mak- nongzgoet、makit、gosangh daengj daegsaek nungzyez canjnieb, daiq- doengh bouxguhnaz laisou baenz miz.

Haenqrengz hwngfat daegsaek nungzyez. Aen yienh neix giethab saedsaeh, gungganq nungzyez yiengh- moq ginghyingz cawjdaej, yinxhaeuj aen giyez lingxdaeuz haenqrengz doihengz gij vunqsik moq “gunghswh+gihdi+dangjcihbu+hozcozse+nungzhoh”, gyalai ligdoh riuzcienj diegnamh, yinxhaeuj aen giyez lingx- daeuz 4 aen, laebbaenz ciennieb hozcozse 287 aen, hwngfat gyaranz nungzcangz 49 aen, cauxlaeb aendieg guhyiengh dajndaem maknongzgoet gizdieg sizmozva guekgya gaep、aendieg guhyiengh haedsim hangzmak saek- hoengz diegbya gungzhoj swcigih gaep daengj aendieg guhyiengh nungzyez daihneix, daiqdoengh daengx yienh hwngfat maknongzgoet 5.2 fanh moux, makit 3 fanh moux, suen gosangh 10 fanh moux.

Gyagiengz cauxlaeb daegsaek nungzyez binjbaiz, aen yienh neix yawjnaek daezswng gij caetliengh doxgaiq reihnaz, guh ndei swnghdai、saekloeg、youjgih、cangqheiq faenz- cieng, haenqrengz doicaenh hwngfat swnghdai nungzyez、ancienz nungzyez、caetliengh nungzyez、binjbaiz nungz- yez, gungganq “maknongzgoet Bingz- goj” “makit Bingzgoj” daengj baenz- dauq daegsaek binjbaiz, mboujduenh daezsang nungzyez yauqik caeuq hawciengz rengzdoxciengj. Doengzseiz cuengqhaeuj 1500 fanh maenz, haenqrengz hwngfat “vangj ganjhaw” lajmbanj denswj sanghvu, laebbaenz 172 aen cunh gaep yinyingz vangj- denj, gya’gvangq diuzroen gai doxgaiq reihnaz, coicaenh nungzyez demcanj、 bouxguhnaz laisou.

Gaenxmaenx gungganq gij fueng- sik moq gai doxgaiq. Aen yienh neix doicaenh “nungz+mou” “nungz+lij”, cungdenj doicaenh hwnjguh Bohcau Huzbuging hanghmoeg、“majswboh” cingjdaej lienzbenq haifat, gyavaiq guhbaenz gizdieg daegsaek nungzyez daihneix hwngfat gwzgiz. Haenqrengz hwngfat lajmbanj denswj sanghvu、dingh doxgaiq reihnaz、daejniemhsik nungzyez daengj “vangjdoxlienz+” gij fuengsik moq gai doxgaiq.

(Vangz Yauj)