Nuengx:

10 nyied 18 hauh,

Gizgiz bauqrengh hingz,

Ngoenzneix youq Baekging,

Dingq gangj hai daihhoih.

Beix:

10 nyied 18 hauh,

Dauqcawq vunz angqyangz,

Ngoenzneix youq Cunghyangh,

Dangj hai Cibgouj Daih.

Nuengx:

Cibgouj Daih ciuhai,

Daihdieg lumj deng sauq,

Bouxlawz guh baugau,

Daujlun saeh gijmaz?

Beix:

Cungjsuhgi gangjvah,

Maqmuengh raeuz buekmingh,

Daengx guek gij beksingq,

Roengzrengz guek dingh maenh.

Nuengx:

Cibgouj Daih baugau,

Lij bau daengz gijmaz?

Beix rox saw rox sa,

Naeuz okma raeuz dingq.

Beix:

Cibgouj Daih baugau,

Bau daengz gungh nungzyez,

Lienz gozfangz gensez,

De gangj caez gangj doh.

Nuengx:

Cibgouj Daih baugau,

Dauqdaej beix lai rox,

Geijlai gawq vah moq,

Hawj Cunghgoz maenh’ak?

Beix:

Nuengx baenzlai coengmingz,

Dingq gvangjbo couh rox,

Cibgouj coenz vah moq,

Hawj Cunghgoz fukhoengh.

Nuengx:

Guek raeuz youh ndaej maenh,

Cingq raen ndei dahraix,

Gangj daengz cienz seiqgyaiq,

Raeuz baiz ndaej gonqdaeuz.

Beix:

Cungjsuhgi vah gangj,

Wngdang guh ndaej daengz,

Guh saeh aeu doxyaeng,

Baengh gij uk caezgya.