10 nyied 23 hauh, vunzlai cajmuengh 2017 gvaengx Guengjsae goengloh danci seiqgyaiq cetcunz doxdax loh gvaq Luzcai Yen, 20 fanh vunzlai dangdieg miz fukheiq ndaej yawj mbat gaeuq ndeu, ngonzyawj le gij funghcaij gwihci seiqgyaiq baizmingz gaxgonq 20 mingz 18 aen doih 126 boux senjsouj.

Ciuq cam rox, mbat doxdax neix ginggvaq Luzcai Yen diuz loh doxdax raez baenz 65.9 goengleix, gij funghgvangh gyaeundei henz loh aen yienh neix ndaej sawj gyoengq senjsouj gemjnoix caij ci baegnaiq, doxdax ndaej ok cingzcik ndei.

(Lai Genveih/赖建辉)