Vih caenh’itbouh hawj gyoengq vunzlai roxyiuj gij cihsiz fuengzyw bingh’aiswh, gyagiengz gyoengq vunz- lai gij yisiz gag baujgen, gyangqdaemq gij yungyiemj baenz bingh’aiswh. Mboengqneix, Vanzgyangh Mauznanz- cuz Swciyen Veigiveij banh Fwen- cuengh doiq ciengq doxdax, ca mbouj geijlai 600 boux vunzlai yienhciengz ciepsouh fuengz bingh’aiswh cihsiz senhconz caemhcaiq lingxaeu doxgaiq yungh daeuj fuengz bingh’aiswh caeuq senhconz swhliu haenx.

Hozdung seiz, aen yienh neix veigiveij cingj canghfwen Aen Hezvei Fwen Cunghcouh vunzlai haengj yawj gyaez dingq haenx daeuj camgya doiq fwen doxdax, gyoengq canghfwen yungh Fwencuengh dangdieg doengsug rox ngaih haenx, senhconz gij sienghaih、roenloh cienzboq caeuq banhfap fuengzre daengj bingh’aiswh. Gyoengq bouxguhhong lij yienhciengz doxlwnz senhconz gij cwngcwz banhfap fuengz- yw bingh’aiswh, cienzdoh fuengzyw cihsiz, iuheuh gij saedceij fuengsik cangqheiq, hawj gyoengq vunzlai roxyiuj fuengz bingh’aiswh, daj goek- gaen gemjnoix cienzboq bingh’aiswh.

(Veiz Yui/韦 睿)