Yungzanh Yen gyavaiq canjnieb diuzcingj, guh hung guh ak mak- gaemjgaet daengj daegsaek youhsi canjnieb, vih ginghci ndawbiengz hwngfat daezhawj rengzrwd cengjdingj.

Geij bi neix daeuj, Yungzanh Yen haenqca “it mak hwng bak hangznieb” caeuq nungzyez “sam aen it”(it mak it faex it cuk) canjnieb, daj bi 2014 hainduj hengzguh “yungh ciengj lawh bouj” leih beksingq cwngcwz, binaengz cuengqhaeuj 1000 fanh maenz bangfuz hwngfat mak- gaemjgaet canjnieb, caemhcaiq daiq- doengh ngaenzcienz ndawbiengz mauhgvaq 4 ik maenz cuengqhaeuj makgaemjgaet canjnieb. Daengz bi 2016, daengx yienh dajndaem mak- gaemjgaet mienhcik daengz 12.1 fanh moux, canjliengh 11.5 fanh dun, canjciz daengz 5.1 ik maenz. Bineix ndwen 3 ngoenz 5, 《Deihleix Geiq- hauh Byauhcunj Canjbinj Mak- gaemjgaet Yungzanh》 Guengjsae deihfueng byauhcunj hainduj hengz- guh, dienzbouj gij hoengq mak- gaemjgaet Yungzanh mbouj miz deihfueng byauhcunj. Aen yienh neix gaenxmaenx doidoengh dingh’ok makgaemjgaet guekgya byauhcunj caeuq hangznieb byauhcunj, giengz- vaq byauhcunjva swnghcanj, hawj makgaemjgaet Yungzanh daj “ranz- ranz cungj rox” byaijcoh “seiqgyaiq okmingz”, hawj gyoengq boux ndaem mak aenvih makgaemjgaet baenz miz.

Doengzseiz, aen yienh neix yungh gij vunqsik “nungzhoh+gihdi+hozcozse+hezvei+lijyouz” hwngfat makgaemjgaet canjnieb. Laebbaenz hozcozse, sonyinx nungzhoh yungh cwngcwz boujdiep ngaenzcienz、goengrengz、diegnamh、diegbya gienzsawjyungh daengj fuengsik haeujguj, camgya hozcozse hwngfat. Aeu hozcozse gyahaeuj yienh gaep makgaemjgaet hangznieb hezvei, youz hezvei daezhawj bwnh ndei gyaqcienz daemq、dinfwngz gohyoz ndaem guenj、doengjit gai doengjit cawx daengj baucaez fuzvu hawj bouxguhnaz, caemhcaiq daiqdoengh hozcozse caeuq lijyouzyez dox giethab, caux- laeb suen yawjngonz makgaemjgaet swnghdai, bouxguhnaz vihneix ndaej souik faenhoengz.

(Cinz Swjgen)