●Bineix daeuj, Denzlinz Yen laebdaeb baengh gijndei swyenz swhyenz bya sang ndoeng mwn, gaenxmaenx haeujcoengh gujli nungzhoh hwngfat ndaw ndoeng ginghci, linzyez gyonj- gyoeb yauqik caenh’itbouh daez- sang. Daengz seizneix, daengx yienh hwngfat ndaw ndoeng ginghci mienhcik daengz 115.5 fanh moux, nangqdaengz nungz- hoh 3.3 fanh ranz 14.8 fanh vunz, ndaw ndoeng ginghci cungjcanjciz daengz 11.2335 ik maenz.

(Liuz Hungzfuz)

●Ndwen 10 ngoenz 13, Cingsih Si Saedniemh Siujyoz youq ndawhag banh aen hozdung angqhoh ngoenz laebdoih sau- senhdui aen cawjdaez dwg “angqcoux Cibgouj Daih caez guh siengjmuengh Cungguek”. Angqhoh hozdung baugvat duiyenz moq haeuj doih yizsi、 hawj duiyenz moq fat mbaw- binsuh、 hawj geiz daengj, langh- baij le hagseng iq daihneix swnjcienz caeuq fatyiengz gij ceiqheiq buekguh caeuq gien- dingh gietsim cangzcwngh cing- saenz.

(Hoz Yenlingz)

●Ndwen 10 ngoenz 12, Dwzbauj Yen Sanghvugiz caeuq Cang’veiz Cizdonz Guengjsae Faen Gunghswh haiguh “bangrengz Dwzbauj·densangh banggungz” goeng’ik banggungz giensoengq hozdung. Baez hozdung neix Cang’veiz Cizdonz gien 10 aen densigih yezcingh caeuq gaj- ngaenzgoek boujdiep gyahden hawj ranz dihbauj、ranz ndangcanz caeuq ranzgungzhoj wnq, gaj- ngaenzgoek mbaw dij cienz 1200 maenz, baujdaej boujdiep 37 fanh maenz, giensoengq gyaqcienz dij 40 fanh maenz.

(Nungz Yisiuh Yangz Goz- swng)

●Geij bi neix daeuj, Yungzsuij Myauzcuz Swciyen giethab hong canjnieb vut gungz, mboujduenh gyalai bued ngaenz- cienz, mizyauq cingjhab gak hangh feihyiz swhyenz caemhcaiq hableix haifat leixyungh, daengx yienh swnjcienz baujhoh caeuq leixyungh feihvuzciz vwnzva yizcanj aeundaej cingzcik ndei, minzcuz vwnzva hwnjguh rengz- rwd bang doi vunzlai dangdieg vut gungz baenz miz.

(Luj Bungz)