10 nyied 2 hauh daengz 3 hauh, 2000 lai boux Yauzcuz beixnuengx daenj buhvaq minzcuz gyaeundei daj Gvangjsih Namzningz Si Yauzcuz Yenzgiuvei、Baksaek Si Yauzyozvei、 Nazboh Yenh、Dendungh Yen、Denzlinz Yen、Sihlinz Yen caeuq Yinznanz Swngj Mazlizboh Yen、Gvangjnanz Yen、Hozgouj Yauzcuz Swciyen daengj dieg daeuj haenx, comz youq Nazboh Yen Bwzswngj Yangh Sangvaz Cunh Gveihlung Yauzcai, ciengq go diuq foux, doengzcaez angqangq yangzyangz gvaq “ciet hoh fungsou”.

“Ciet hoh fungsou” dwg Nazboh Yen Lanzdenyauz aen ciet hung minzcuz cienzdoengj he, dwg siujsoq minzcuz feihvuzciz vwnzva yizcanj, lizsij gyaenanz. Gveihlung Yauzcai youq moix bi betnyied cibngux gaxgonq gawjhengz, iucingj seiq fueng bet baih caencik baengzyoux caeuq bouxhek daeuj camgya aen hozdung neix. Bineix “ciet hoh fungsou” hozdung neiyungz miz feizdong vanjvei、baiqsax hoh fungsou、minzsuz biujyienj、ngaizdaizraez daengj.

(Linz Yungzsenh/林荣先)