Geij bi neix daeuj, Bingzgoj Yen Swdangz Cin ciuq yenveij daezok gij guhhong lohnaemj“361”, baengh nungzyez lijyouz yawjngonz gingjsaek hanghmoeg, dawz lwgmak dangguh canjnieb youqgaenj caeuq canjnieb fouq minz daengx cin, gya’gvangq diuzroen hawj vunzlai laisou.

Doigvangq binjcungj ndei. Aen cin neix gyalai ligdoh gaijcauh mak canjliengh daemq yauqik daemq haenx, seizneix aen cin neix gaenq guhliux dawz binjcungj geq makit heih loenqdoek mbouj naih cwklouz gaijndei swnggaep baenz makitvaiz、 makityahwz daengj binjcungj ndei, maknongzgoet daj “ginhduh it hauh” maknongzgoet daegbied ndei cugyamq ciemq yienzlaiz yungh vunz cienz faenj haenx, saedyienh mak canjnieb youz yiengh soqliengh yauqik yiengq yiengh caetliengh yauqik cienj- bienq.

Yawjnaek son’gyauq dinfwngz. Aen cin neix cujciz ranz dajndaem mak bae Vujmingz、 Sihlinz daengj dieg yawjngonz hagsib, cingj laux- hangz mak daengz ndaw ndoeng mak banh ban son’gyauq, bineix daeuj, aen cin neix son’gyauq dinfwngz guzgan 100 vunzbaez doxhwnj、 boux- ndaemmak 500 vunzbaez doxhwnj, daengx cin bouxndaemmak ca mbouj geijlai cungj gaemdawz dinfwngz ndaem mak, byaij diuzroen canjnieb swnggaep、daegsaek hwngfat.

Bangfuz mak canjnieb dangguh gij haedsim yinvu bouxguhnaz dem- sou. Aen cin neix sonyinx vunzlai hwngfat ndaem mak, caemhcaiq damqra youq gyang suen makgam- diengz、 makgaivaiz、 maknongzgoet daengj dauqndaem ginhcenzcauj daengj go ywdoj, cietsaed gaijgez gij vwndiz mak nanz baenz、 raenyauq menh, caenhitbouh daezswng yungh ndei diegnamh.

Ciuq cam rox, seizneix aen cin neix gyoebsuenq ndaem makit 13341 moux, makgam 6540 moux, mak- nongzgoet 1300 moux, makcaujheu 270 moux, bouxvunz bingzyaenz souhaeuj 2000 lai maenz.

(Vangz Sudingz)