Bya heu、raemx saw、haeux hom、va lengj, gyoebbaenz fuk dozveh byaraemx bok maeg ndeu, ndeiyawj yinxvunz. Doenghbi neix daeuj, Gveigangj Si Cinzdangz Gih Mungz- gungh Yangh Sinhlingj Cunh Mbanj- saen’gvi giethab fungsug vwnzva ndaw mbanj, doengzseiz yungh ndei swyenz swhyenz lai raeuh de, haifat hwnjguh aenmbanj mizmingz lijyouz ciengxndang youqndwi swnghdai minzcuz vunznoix, guhbaenz le aen mbanj miz daegsaek minzcuz vunz- noix aeu aenmbanj Bouxcuengh caeuq fungsug minzcuz guhhong gwndaenj gvaq saedceij daengj hongsaeh lijyouz souhaeuj guhcawj ndeu, saedceij vunzmbanj bi beij bi vuenyungz.

Mbanjsaen’gvi dieg youq baih- namz Mungzgungh Yangh, gaxgonq heuhguh Mbanjsaenzgvi gvaq, giz baihdoeng 4 goengleix de dwg aen Bingzlungz Suijgu Funghgingjgih funghgingj gyaeundei haenx. Daengx mbanj miz 805 vunz, ndawde boux vunzlaux 90 bi doxhwnj miz 20 vunz, boux vunzlaux 100 bi doxhwnj miz 2 vunz.

Mbanjsaen’gvi dwg aen mbanj Bouxcuengh cienzdoengj youq benq- dieg miz gij yienghdieg denjhingz gahswhdwz Vaznamz aeu Byalingzgvi guh rangh gyangsim ndeu, lajdeih ngaraemx gig lai, miz haj aen mboq baenz bi laeret mbouj gat, raemxmboq hamz miz gvang’vuzciz lai, gungganq vunz Saen’gvi ndang rengz souh- yienz. Henz mbanj miz Daemz- lingzgvi、Daemzmbwn Dahsau、Daemzlenzyungz sam aen daemzmboq doxingj doxdaengh, seiqhenz mbanj miz Byagujlozcieng、Byamarin、Byasaenaz daengj cib goengq bya sang, baenz caengz doxdaeb hop- humx, lij miz Miuhyangzsan、Miuh- byajvuengz guh youq gwnz bya dem saenzmaed dem, Byalingzgvi cix boemz youq ndaw rungj bya humx raemx heux、gingjsaek gyaeundei、mbwncauh sengcingz neix, gyaeundei lumj “biengz ndei bouxsien” nei, baenzneix dangdieg couh miz duenh vah “lingzgvi boemz cungqgyang, marin hen doubya, yiuhsaenz coemj duznuem, duznuem saek bakraemx” ndeu riuzcienz roengzdaeuj, dajbeij gij yiengh goengqbya yied yawj yied lumj de.

Mbanjsaen’gvi dwg aen mbanj mizmingz lijyouz daegsaek Gveigangj Si cungdenj cauxguh ndeu, daj bi 2014 gvaqdaeuj gaenq roengzngaenz 700 lai fanh maenz, guh le 96 aen ranz baihrog ciengz bae moq、ndaem faex ndaem va bienq gyaeundei, guhbaenz le Diengzsihgyangh、ranz- bam lingzgvi、vwnzva gvangjcangz、Byafunghvuengz、ruqdah yawjgingj daengj gingjdenj, laebbaenz mak- moed、gaeqladmoeg、maknengznuengx caeuq makgamvo daengj aensuen ndaemganq mbaetsou nem nungzyez swnghdai yawjgingj, guh miz nungz- gyahloz gwnndoet、ciengzdingzci、gijgwn gvangjcangz daengj giekdaej sezsih, haifat le dieg doenghfwngz gaekdeu、minzsuz vwnzva hozdung cungsim、hekyouz fugsaeh cungsim、roen iq binbya byaijyouz、giz guh- angq gwnz raemx、conghgamj damq- yiemj、ranzfaex youqndwi ciengx ndang、saeknding gwzming gyauyuz gihdi daengj youzangq hanghmoeg, aen mbanj lijyouz youqndwi swnghdai “Byabaujlingzgvi” comz miz gwn、youq、youz、caemz ndeu loq guh ndaej baenz. Vunzmbanj lij baengh ngoenzciet cienzdoengj ndwencieng cocib cietraemxsien、cietfwen Boux- cuengh sam nyied sam、ndwenloeg co’ngeih cietmakmoed、 ndwencaet samcib cietcanghyienz doenghgij cietgingq hozdung neix, baijyienj mbaenjfuk、hoh fungsou、eu fwen doiq fwen、laexbaenzvunz caeuq ngaiz- hajsaek caeq coj、fwen couxhek caeuq fwendaejhaq daengj fungsug cienz- doengj, yienh’ok yienghmoq cing- saenz vunzmbanj. Yiengh gingj doenghnaz gyaeundei caeuq minzcuz fungcingz naekgywg yinx buek dem buek hekyouz bae ndaw mbanj youzcet, ndaw mbanj ngoenz beij ngoenz nauhyied.