9 nyied 19 hauh banhaet, Hozciz Si Yizcouh Gih Minzcwnggiz caeuq Hozciz Si Yizcouh Gih Sizyen Siujyoz caez guh “aenranz lwgnyez louzyouq” venj baiz yizsi youq aen siujyoz neix gawjhengz.

Hozdung ngoenz haenx, gyoengq lauxsae、gyahcangj、hagseng caeuq Yizcouh Gih daih’it haggih gak aen hagdangz lingjdauj gungh 1100 vunz raencingj le venj baiz “aenranz lwgnyez louzyouq”, Yizcouh Gih Minzcwnggiz hawj lwgnyez louzyouq giensoengq vwnzgi 60 lai dauq、 saw simndei 300 lai cek, soengq le faenh gvansin caeuq ndiepgyaez ndeu hawj gyoengq lwgnyez louzyouq.

(Cinz Yinghlingz/覃英玲)