Ngoenz ndeu, Bouxgik youq ranz ninz gaeuq, ndiu hwnqdaeuj seiz, daengngoenz gaenq roengz baihsae lo. De roxnyinh dungx gig iek, muengz heuh Vuenyungz dawz ngaiz daeuj hawj de gwn. Hoeng, heuh bae heuh dauq, cungj mbouj raen Vuenyungz han, de cij roxnyinh Vuenyungz gaenq mbouj youq henz lo, gipmuengz seiqlengq ra Vuenyungz.

Youq gwnz roensaejgaeq gyangbya, Bouxgik ra raen Vuen- yungz, muengz doiq de gangj:“Vuenyungz dahnuengx ha, gou ra mwngz gig sinhoj, mwngz baenzlawz daeuj daengz gizneix ne? Bin hwnj bya bae yungyiemj bw, caeuq gou maranz ba!” Gangj seiz byaij bae yaek yien fwngz Vuenyungz. Vuen- yungz dacaengz Bouxgik mbat ndeu, byaet fwngz cienq ndang laebdaeb bin hwnj bya bae. Aenvih baihnaj Bouxgaenx cingq hai bya dajndaem ne. Vuenyungz gietsim bae ra Bouxgaenx lo.

Yawj hwnjdaeuj, Bouxgik gouz mbouj ndaej Vuenyungz lo, aenvih Vuenyungz dwg gvihaeuj Bouxgaenx.