Seizciet “coufaen”, Yungzsuij Myauzcuz Swciyen Yanghfwnj Yangh “byanaz” daengz seiz sou lo, cwngfuj dangdieg hwngfat yungh “raemx ndeu song yungh、benq naz lai sou、ndaem ciengx giethab、saekloeg hwngfat” ndaem haeuxnaz ciengx bya swnghdai cunghab ndaem ciengx vunqsik, sonyinx caeuq bangcoh bouxguhnaz gungzhoj doenggvaq youq ndaw naz ciengx byaleix+byanouq+sae. Doengzseiz, bangcoh vunzlai hwngfat Myauzcuz swnghdai lijyouz, coicaenh vunzlai gungzhoj dangdieg laisou baenz miz. Ndaw doz dwg ndwen 9 ngoenz 22, youq Yanghfwnj Yangh Mbanjyijbuz Mbanjmyauz hekyouz cingq youq doenghnaz daejniemh ring bya.

(Danz Gaijhingh/谭凯兴)