9 nyied 13 hauh, Luzcai Yen Cunghdu Cin Cangzswng Cunh ndaw naz henz lohguek G323, dangdieg nungzminz fwngzsoem guh fukveh hung he baijyienj youq ndaw naz gig sangjda. Fuk veh neix gij neiyungz de dwg cienz gij saenqsik danci doxdax “gvangx Guengjsae”.

Bineix, Guengjsae goengloh seiqgyaiq danci doxlwnz doxdax loh gvaq Luzcai Yen, youq aen yienh neix diuz loh doxdax haenx raez 62 goengleix. Dangqnaj, aen yienh neix yungh lai cungj hingzsik daeuj gyagiengz senhconz gij hong neix, yungh cienzbouh ligliengh daeuj ciepcoux fugsaeh sienggven doxdax.

(Lai Genveih/ 赖建辉）