Haemhhaenx, ronghndwen luenzlu ciuq Dah- yougyangh ronghsagsag, lumj bingzciengz ityiengh, bouxciengxbit youq aensok caeuq sokruz ndawde cunz bae cunz dauq roxnyinh geizheih le, sikhaek riengjret dwk dinghdingh boemz roengzdaeuj, daej- dah miz dong goekfaex nga faex deng raemxrongz cung hwnj haenzhamq, de youq baihlaeng laeglemx ietgyaeuj yawj.

De raen lingzraemx lo, sang lumj lwgnyez, ndangdaej lumj bouxlaux, youq gwnz ruzdoh! Song duz!

Mbouj rox dwg mbouj dwg gwnz ndang gyoengqde nem gij raemxniu, roxnaeuz dwg naeng bwn gwnz ndang de bonjlaiz couh raeuz, gij ndangdaej gyoengqde youq ronghndwen ciuq baihlaj dauqingj ok caengz ronghgywg youzyub saenzmaed ndeu. Gyoengqde gangjsebseb beijveh yaep ndeu, lumjnaeuz doxyaeng gijmaz saeh, ciepdwk couh hainduj siujsim riri iet ok fajnyauj baihnaj daj ndaw gebdiet hung beng ok duz bitngaeuh ngamq goenqcaw haenx.

Bouxciengxbit lumh dawz aen doengzsiu gag guh, doiq song aen raemhngaeuz ndaemyub hainduj liuqcinj. Youq song aen ngumhngaeuz doxdab youq itheij yaepyet seiz, de ngaeudoengh banjgih.

Ca mbouj lai caeuq sing cungq doengzseiz, song aen raemhngaeuz ndaem haenx dingqnyi sing- yaem le diuq roengz raemx bae.

Bouxciengxbit lumj naq ityiengh cung hwnj gwnz ruzdoh bae, cawzliux bitngaeuh deng rag le, mbouj raen gijmaz.

De gaenq haujlai baez daengz yienhciengz doiqbeij dangseiz nyingz cungq gij fuengyiengq caeuq doxliz, hoeng itcig daengz seizneix, lij dawz mbouj cinj dwg mbouj dwg nyingz deng gyoengqde saek baez aeumingh gvaq.

Caeuq baez gonq mbouj doengz, ngoenzneix bouxciengxbit roxnyinh gig geizheih, lingzraemx couhcinj youq gyanghaemh gig singjsag, baenzlawz youq gyangngoenz hix okdaeuj ne?

De youq gwnz diegraiq menhmenh ra, liz aensok yied daeuj yied gyae, benq diegraiq hung haenx hix yied daeuj yied gyawj, de ngeizvaeg yaep ndeu, lij dwg byaij gvaqbae. Ok saeh gvaqlaeng, de itcig ndojdeuz gizneix, caenhguenj gaenq gvaqbae lai bi, hoeng gitgaz ndawsim lij mizyouq.

Henz diegraiq dwg benq go sandauz gag hwnj ndeu. Gwnznamh dauqcawq dwg gij faex loenq nanwt caeuq mak naeuh. Doiq roeggae henjgeq ndeu doeksaet dwk vad fwed bubbub, coh ndaw ndoengfaex mbin bae.

Gaxgonq gyoengq lwgnyez aen mbanj doiqnaj dah ciengzseiz caeg aen ruz ndaw ranz vaij daengz baihneix mbaet mak, daj fatseng gienh saeh haenx le, gizneix ca mbouj lai baenz benq dieg gimq ndeu, cij dingqnyi rogndoi caemrwgrwg.

Bouxciengxbit sijsaeq cazyawj seiqhenz, mbouj miz gijmaz daegbied. De camhseiz lij mboujcaengz dajsuenq dauqma gwn ngaizromh. De lij siengj bae lai gyae di, gwnz gofaex lij miz haujlai sandauz cuglaeng, de mbaet geij aen ceiq hung, euj geij diuz ngafaex bu roengz gwnz namh cumx bae, naengh roengzdaeuj. Sandauz cwx naeng hau sim hoengz, diemzswdswd. Bouxciengxbit gwn dwk, yawj benq diegraiq dangqnaj neix, de sawq ra ok gizdieg bihaenx cinjdeng haenx.

Cib

19 bi gonq.

Cenz Gyahyouj youq banhaemh seiz fatyienh Vangz Yizmeij mbouj raen, aenvih mboengqneix de gak cungj biujyienh, de hainduj sienrox mbouj ndei, comz geij boux baengzyoux bingzciengz gvanhaeh ndei haenx itloh dajdingq, siusik cienz doh diegcangj lumj aen muengx vanq roengzdaeuj nei.

Geij diemjcung gaxgonq gyoengqvunz yawjraen Vangz Yizmeij haenx dingqnyi siusik le laebdaeb doxcomz gvaqdaeuj, mwngz coenz gou coenz lwnhgangj, gij hengzdoengh Vangz Yizmeij deng dauqlingh gyoebciep okdaeuj: Roen yinhhuq, aensok, sokruz, ruzdoh.

“Nouguk caeuq duznuem hix mbouj dwg baenzneix gwn……” Bouxciengxbit yaemz yaep ndeu, sawqmwh, de lumjnaeuz siengj hwnj gijmaz ngiengxgyaeuj hwnjdaeuj: “Haxbaenz miz mbouj miz vunz daeuj gvaq?”

“Boux lwgnyez ndeu, gou raen de gag bouxvunz ndeu youq henz dah, fwngz dengsieng lo, couh daiq de dauqma, doeklaeng daxbuz de daiq de bae lo.”

Daihgya riengz gij sienqloh de byaij gvaq itloh daeuj daengz ruzdoh, youq gizdieg doeksat, de gig geizheih siusaet lo.

Mwhhaenx cingq dwg geizraemxhawq, raemx lae gig menh. Cenz Gyahyouj caeuq geij boux baengzyoux baen baenz song mbiengj, youq song henz hamq ra bae ra dauq.

Ranz gaenq fuemx lo, soujdendungz ingj- myabmyab mumjmumj gyumqgyumq caeuq gij sing gyoengqvunz dox hoizwngq haenx youq laj Dahyougyangh ngutngut ngeungeu baenaj doiqlaeng, baebae dauqdauq.

Gyanghwnz, mwh Cenz Gyahyouj gag boux dog caiq cunzcaz benq diegraiq, gij singyaem raemxdah cungdongj haenzhamq sawqmwh bienq ndaej miz di geizheih, de roxnyinh naenggyaeuj yaepyet mazmwd baez ndeu, aensim ciemhciemh caem roengzbae, soujdendungz baez vad, couh ciuq daengz geu buh hau valamz Vangz Yizmeij gyanghaet daenj haenx. De daj ndaw raemx rag de hwnjdaeuj, bengbeng gokbuh, goemq aen dungx loq bongz de.

Gij sing daej Cenz Gyahyouj hepsasa youh daemq dawz gyoengqvunz youq henz dah sanq- byaengq haenx comz gvaqdaeuj. Daihgya ganj daengz seiz, de gaenq gyad naengh youq gwnznamh hwnj mbouj ndaej, vunzlai dinfwngz luenhlab buen song bouxvunz neix baema.

Haeujfaex gaxgonq, miz vunz youq aidin de fatyienh diuz rizsieng geizheih ndeu. Gij rizsieng neix laizlig gig geizheih: Baksieng gig laeg, mbouj lumj doek roengz raemx gvaqlaeng deng ngafaex gat; hoeng baksieng maeuzmbumj, hix mbouj lumj doek roengz raemx gaxgonq deng vunz aeu doxgaiq raeh gat.

Geij bouxvunz banlaux sijsaeq cazyawj, ging- gvaq yaenglwnh haujlai nanz le, yiemzsuk nyinhcaen doiq vunzlai biengjloh gij gietlwnh gyoengqde:“Fangzraemx, neix dwg gij rizsieng fangzraemx henxndoet gvaq.”

Daengz seizneix, de youzraemx gig ak oksaeh dauqdaej youq gyoengqvunz gangjnyibnyib ndawde cekgej ndaej hawj vunz yienzmuenx caezcup. Cungj gangjfap neix doenggvaq vunzlai riuzcienz lumj binghraq ityiengh lah bae, cienz daengz ndaw rwz de.

Dingqdaengz gij gangjfap neix, Cenz Gyahyouj lumj bouxyouzraemx naetnaiq ndeu youq ndaw raemx gvangqgumgum ra ngeu rin ndaej yietbaeg ndeu, de buekmingh benz hwnjbae, youq gwnzde yietnaiq, couh gvaq le 20 bi.(11)

那天晚上，满月将整个右江河谷照得白亮，像往常一样，在码头和渡口间来回巡查的养鸭人在察觉到异样后，第一时间敏捷地以最小的响动趴下，河床上有堆洪水期被冲刷上岸的树根枝杈，他在背后偷偷探出头。

他见到了水猴，孩子的身量，老人的身段，在渡船上！两只！

不知道是不是它们身上附了层黏液，还是皮毛本身的质地，它们的身形在月光的照射下反射着一层神秘的釉光。它们交头接耳地比划了一阵，象是商量着什么，接着就开始小心翼翼地伸出前爪从大铁夹里拉扯那只刚断气的饵鸭。

养鸭人摸起了自制的火药筒，对着那两个黑色的身影开始瞄准。在那两个身影重叠在一起的一刹那，他扣动了扳机。

几乎是枪响的同时，两个黑影应声而落。

养鸭人箭一般冲上渡船，除了被拉扯的饵鸭之外，一无所获。

他曾无数次到现场比对过当时开枪的方向和距离，但直到现在，还吃不准是否已经给了它们致命的一击。

和上一次不同，今天的直觉令养鸭人暗暗纳闷，水猴即便在夜里也十分警觉，怎么在白天也会出现？

他在河滩上一寸一寸地搜寻，离渡口越来越远，那一大片滩涂却是越来越近,他迟疑了一下,还是走了过去。出事之后，他一直避开这里，尽管已经那么多年了，可心里的芥蒂还在。

滩涂边上是一大片野生的番石榴。地上尽是厚厚实实的腐叶和烂熟的果实。一对黄褐色的野鸡，惊悚地扑扇着，往林子深处去了。

之前对面河村子里的小孩还时不常偷了家里的船划到这边来摘果子，自从发生那件事之后，这里基本上已经成为了一片禁地，满耳都是野地里特有的静谧。

养鸭人仔细查看了周围，没有任何异常。他暂时还没有折回去吃早饭的打算，他还想走得更远一点。树上还有不少晚熟的番石榴，他摘下几只最大的，折了些枝条铺在潮湿的地上，坐了下来。野番石榴白皮红瓤，味道熟甜。养鸭人吃着，看着眼前这片滩涂,他试图找出当年那个确切的地点。

十

十九年前。

钱家有是在傍晚时分发现王一美失踪的，鉴于她近段时间的种种表现，他开始有了种不祥的预感，纠集了平时几个要好的兄弟一路打听，消息像一张网一样在整个厂区洒了下去。

数小时前王一美的目击者们闻讯后陆陆续续聚集了过来，在他们三言两语的叙述中，王一美的具体行程被重新拼接了出来：货运道，码头，渡口,渡船。

“黄鼠狼和大蟒也不是这种吃法……”养鸭人沉吟了良久，忽然，他像想起了什么似的抬起头来：“刚才有没有人来过？”

“一个小孩，我看他一个人在河边，手受伤了，就把他带回来了，后来他奶奶来把他带走了。”

大家沿着她走过的路线一路来到了渡船，在最后一个地点，她凭空消失了。

当时正是枯水期，水流速度很慢。钱家有和几个兄弟兵分两路，在两岸来回寻找。

天色已经暗了下来，影影绰绰的手电筒和遥相呼应的人声在右江河谷逶迤进退。

深夜，当钱家有独自一人再次巡查到这片滩涂的时候，河水舔蚀河岸的声音突然变得有些异常，他感觉到头皮在瞬间麻了那么一下，心一点一点地往下沉，手电筒一滑，就照到了王一美早上穿的那件白底蓝花衫上。他把她从水里拖了上来，扯了扯她的衣角，盖住了她微微隆起的肚子。

钱家有嘶哑而低沉的哭声将沿岸细碎的人声聚拢了过来。大家赶到的时候，他已经瘫坐在地上起不来了，人们七手八脚地把两人搬了回去。

入殓前，有人在她脚心发现了一道奇怪的钝口。这个口子的来历十分蹊跷：伤口很深，不像是落水之后枝条刮的；但伤口很钝，也不像是落水前被人用利物划的。

几个老一辈的人仔细查看了，经过长时间的讨论之后，郑重对外披露了他们的结论：“水鬼，这是水鬼啃吸过的痕迹。”

至此，水性极好的她失事终于在人们的议论纷纷中有了个圆满通达的解释。这个说法通过人际传播像瘟疫一样蔓延开去，直抵他的耳膜。

听到这个说法的时候，钱家有像一个筋疲力尽的游者在一片茫茫的水域中找到了一小块可以栖息的礁石，他竭力爬了上去，在上面这一歇，就过了二十年。 (11)