Biengz maenh youh habdangq,

Bouxboux angq lailai,

Beksingq ndaej fatcaiz,

Cungj simhai lele.

和谐又稳定，个个都高兴，

百姓发了财，人人都开心。

Seiz miz gwn miz daenj,

Cingq raen ndei dahraix,

Gyoengq laux iq mbwk sai,

Fajnaj hai bak riu.

现在吃穿够，什么都不愁，

看男女老少，大家乐悠悠。

Gaxgonq ndaem haeuxdaeq,

Ceiq lai ndaej gaeuq gwn,

Baenzmiz lumj fangzhwnz,

Gyanghwnz raemxda doek.

以前种玉米，最多能够吃，

发财无门路，夜里眼泪滴。

Gaxgonq raeuz boux rungh,

Caen dwg gungz dahraix,

Namh noix rin youh lai,

Fatcaiz mbouj yungzheih.

以前在山区，真是穷凄凄，

石多土地少，发财不容易。

Gwnz rox raeuz sinhoj,

Loz gisuz roengz mbanj,

Gvaq mbouj ndaej geij nanz,

Ranzranz bienq baenzmiz.

上级懂咱穷，把技术来送，

过不了多久，日子就火红。

Yawj aen dieg daeuj ndaem,

Gaem gisuz youq fwngz,

Muengh ngaenz ranz ndaej cwngh,

Wnggai aeu ndaem mak.

因地来制宜，用技术种植，

要想收入增，种果最合适。

Baihgwnz roengzdaeuj naeuz,

Aeu ndaem makhojlungz,

Ndaem baenz bya baenz rungh,

Bouxboux yunghsim guh.

上级来指示，火龙果种植，

山中弄里种，个个都卖力。

Bya ndaem makhojlungz,

Mbouj yungh dap aen’gyaq,

Gaeu bin rin gwnzlaj,

Hai va laeng baenz mak.

如在山间种，搭架就不用，

石头够它爬，花开果又红。

Laebbaenz Moenghcunghgoz,

Aen sim doq angqyangz,

Byaij hwnj roen siujgangh,

Ndang cangq gvaq ndwenngoenz.

实现中国梦，心里乐融融，

走上小康路，活在幸福中。

Raeuz gaen dangjcunghyangh,

Buet siujgangh youq roen,

Fwen goenghoh geij coenz,

Ngoenzlaeng raeuz caiq eu.

紧跟党中央，大家奔小康，

今天唱几首，日后咱再唱。