9 nyied 4 hauh, Vanzgyangh Mauz- nanzcuz Swciyen dinfwngz dajsan gyaep- bangxva daihhaj daih vunz swnjcienz Danz Sugenh souh daengz Gvangjsih Yisuz Yozyen Sezgi Yozyen iucingj, vih aen yozyen neix gyoengq hagseng haiguh dinfwngz dajsan gyaepbangxva Mauznanzcuz beizyin geiz he, seizgan dwg ndwen ndeu.

Ciuq cam rox, gyaepbangxva Mauz- nanzcuz dwg mehmbwk Mauznanzcuz Vanz- gyangh aeu ma dangguh cungj gyaeundei dinfwngz gunghyibinj dangj fwn he, dwg yungh dangdieg faexcukgim caeuq faexcuk- maeg ndaem lai haenx ma liebduk dajsan baenz. Bi 2011 ndwen 5, dinfwngz dajsan gyaepbangxva Mauznanzcuz ndaej lied haeuj moegloeg buek daihsam gaep guekgya feihvuzciz vwnzva yizcanj Gozvuyen ok moq haenx.

(Veiz Yui/韦 睿)