Youq gij geiqciet gizyawz roengz ngaeuh lauheiq mbouj yungh baenzneix deih, hoeng daj neix hwnj, hainduj daengz seizrengx, raemxdah hainduj bienq ndaej saw youh feuz, gijgwn baez giepnoix, lingzraemx couh youq gij seizgan caeuq gizdieg vunz mbouj rox haenx okyienh, gaemhdawz sojmiz cukseng bitgaeq gyoengqde bungzdaengz haenx; mizseiz, engqlij mboujsik loh’ok gij yienghceij swhgeij, yungh caenh gak cungj banhfap caeuq soujduenh bae yaeuhlox caeuq caeghoenx vunz.

Seiqhenz caemrwgrwg, raq rumz ndeu ci daeuj, raemh faex ndaemyubyub menhmenh bued hai, diuz sairaemx iqet raezreng ndeu vang youq dangqnaj.

Bouxciengxbit umj doengzsiu youq gwnz ndoi iq baihnaj aensok boemz roengzdaeuj. Raemx- raiz gig naek, gij hoengheiq gyanghwnz gaenq liengzyauyau, de sawqmwh roxnyinh miz raq heiq ndeu youq conghhoz doenghyubyub, gip dwk yaek daj conghndaeng ra okloh, de gipmuengz haep bak hwnjdaeuj, aeu fwngz mbouj dingz dwk nu ndaeng, mbouj hawj cauxbaenz haetcwi.

Liz raemx yied gyae, gij rengzlig gunghoenx lingzraemx couh yied iq, hengzdoengh hix yied numq, ndigah couh engqgya singjgaeh. Seizneix loq miz saek di singyaem caeuq vunzloih mizgven cungj yinxhwnj mwngz saetbae seizgei gaemhlix gyoengqde.

Gyoengqde dwg daeuj gwnz hamq dak rongh- ndwen, bouxgangj cungj dwg baenzneix naeuz. Youh roxnaeuz gyanghaemh miz ronghndwen vunzraeuz cij raen gyoengqde, ndigah cij miz gij gangjfap neix, mbouj miz banhfap loengh cingcuj lo. Mboujgvaq daj neix hwnj, bouxciengxbit cungj genj haemh miz ronghndwen cazyawj roxnaeuz roengz ngaeuh.

Gwnz sok dauqingj dwk ronghndwen. Laerin, diegraiq, gij ngafaex luenhlab seizfwn deng cung daengz gwnz hamq, baenz di baenz di baet gvaqbae, cix mbouj miz maz mbouj doengz bingzciengz.

De ginglig le fouzsoq gyanghaemh lumj yiengh- neix mbouj miz maz daegbied, gaenq sibgvenq lo, hix mbouj doeknaiq, yienzhaeuh mbon ok fag geb, cang ngaeuh, cuengq lwed. Duzbit lij mbouj oksing cakndetndet, heiqsing ndatfoeg youq ndaw rumzcou mbongqdoeng gig ak, ndaej cienz bae gyae’gyang, de dawz fag gebdiet cang ngaeuhbit cuengq daengz gwnz laerin aensok.

Yinxlwed, dwg gij daegsingq hung lingzraemx. Gyoengqde itdingh miz aen bak youh soemswt raehrwd ndeu, yienghneix gyoengqde rag vunz roengz ndaw raemx bae le, ndaej lumj duznyungz ityiengh cap guenj ndoet gwn lwed vunz. Bangeq cienznaeuz vunzraeuz deng lingzraemx hoenxguk lauz hwnjdaeuj le, ndaw ndang raemx beij lwed lij lai, ndangdaej gizwnq mbouj miz gijmaz sieng, hoeng giujdin cix miz giz sieng aeumingh ndeu.

Gawqyienz dwg daegsingq, haenx itdingh couhdwg giznyieg ceiq hung gyoengqde. Doekdingh diemj neix le de mbouj buen deuz, cix louz roengzdaeuj ciengx bitngaeuh, baez daengz gyang- haemh ronghndwen ronghsag mbwn gvengqyau seiz, aeu lwed bit singjsien guh yaeuh daeuj gaeb lingzraemx.

Raemxdah gaenq doekdaemq gig laeg, haenz- hamq dah byongh loh’ok daejdah yienghceij dwg- lau. Youq gwnz sok cang ndei ngaeuh, bouxciengxbit riuj hwnj roengqbit, riengz diegraiq roen dah baez yamq baez yamq coh sok dah byaij bae.

Caeuq gyoengqde doxbungz le, de gaenq riengz henzdah byaij gvaq suijnizcangj、cangjcauhceij、danfeizcangj、cangjdaemjbaengz、dangzcangj gvaq, hix riengz Sanhhoz Cunh dah baihhaenx byaij daengz Luzhoz Cunh, gyoebhab gij saeh yawjraen dingqnyi caeuq riuzcienz, daj aensok daengz sokruz ranghdieg neix, dwg Dahyougyangh gizdieg gyoengqde okyienh ceiq lai.

Bouxciengxbit baengh ronghndwen myoxmyod, daj gizgyae couh raen aen ruzdoh sokruz, aen ruzdoh mbouj miz ciengj mbouj miz cauh fouz gwnz dah caemrwgrwg, ciengzgeiz gyanghaemh guh hong gaenq hawj de gyanghaemh lumj duzmeuz lingzsingj.

Gaxgonq ndaw cangj yauqik ndei seiz, gaenq gig dohdaengz youq gizneix boiq ruzdoh, naeuz dwg hawj cizgungh fuengbienh, gizsaed aen gunghcangj gizneix caeuq aenmbanj baihhaenx youh baedauq geijlai baez. Seizneix, aenruz neix ginggvaq boux- ciengxbit coihcoih boujbouj, gaenq baenz gij hongdawz de cienyungh.

Bouxciengxbit riuj roengq bit hwnj ruzdoh bae, cang gaiqgeb, cuengq lwed. De da mbouj yaep cim raemxlangh gwnz raemx myigmyanz, lwgda yakrwix de yawj ronz daengz fuengzcug lingzraemx laj daej Dahyougyangh.

Gouj

Bouxciengxbit youq diegraiq aensok caeuq sokruz ndawde cunz bae cunz dauq. Yaep ndeu, de miz di baiqdalaep lo, neix youq gaxgonq mbouj- caengz miz gvaq. Aenvih Gvaenghgimsei daeuj daengz, de haemhlwenz gizsaed ninz mbouj gaeuq naek.

De ra benq dieg seuq ndeu naengh roengz- daeuj, laep da ninz. Moengzmoengz loengzloengz, de raen boux lwgnyez ndeu benz hwnj ruzdoh lo. “Gaej doengh, yungyiemj!” De coh boux lwgnyez haenx swenj dwk. Hoeng lwgnyez lumjnaeuz dingq mbouj ndaejnyi, coh giz gebdiet hung iet fwngz. De doeksaet hwnjdaeuj, singj lo.

De siengj mbouj daengz baez ninz couh ninz ndaej baenzneix nanz, seizneix ranz gaenq hainduj rongh lo, daengx aen dah cungj deng caengz mok mumjgyumq ndeu cwgoemq.

De diuq hwnj gwnz ruzdoh baez yawj, gij lwed bit lae daengz gwnz benjruz, gingqyienz miz riz!

Lwed bit gaenq giet hwnjdaeuj, dak dwk de engqgya caensaed. Riz mbouj lumj riz nyauj, engq lumj deng gij hohga cungj doihduz lawz bungq baez ndeu, cix louz gij riz lumj caen hoeng cix dwg gyaj.

Lij miz cungj senglingz lawz, ndaej youq gwnz ruzdoh siengdoiq fungsaek louz roengz gij yaenq baenzneix?!

Gingniemh lwnh de nyi, gij doxgaiq de yaek ra haenx cingq depgaenh de.

Haj bi gonq haemh ndeu ronghndwen luenzlu, de hix miz cungj gamjgyoz baenzneix, gvaqlaeng mbouj nanz, de couh caeuq gyoengqde doxraen baez ndeu daengz seizneix cij dwg baez dog.

Bihaenx mbwnrengx gig noix raen, raemx doekdaemq gig haenq, lienhgijgwn baez gaenjcieng, doengh aen mbanj henzgyawj couh riuzcienz bitgaeq ndaw ranz deng caeghoenx.(10)

在其他的季节布饵也许不用那么密，但从现在起，开始进入旱季，江水开始变得清浅，食物一紧缺，水猴就会在不为人知的时间和地点浮现出来，捕获一切可能的家禽家畜；必要的时候，甚至会不惜暴露自己的影形，用尽各种办法和手段去迷惑和袭击人。

四下里一片死静，几经曲转起伏，黑黝黝的树影徐徐拨开，一条纤瘦的水带便横在了眼前。

养鸭人抱着火药筒在码头前的一个小土丘后伏下身来。露水很重，凌晨的空气中已经带上了秋的凉意，他忽然感觉到一股气流在喉咙中蠢蠢欲动，急欲于从口鼻中寻找出口，他赶忙闭上了嘴巴，用手不断地搓捏鼻子，阻止了这个喷嚏的形成。

离水愈远，水猴的攻击力就愈小，行动也愈加迟缓，因而也就愈警惕。这时候一点点和人类相关的轻微响动都有可能让你失去在岸上生擒它们的机会。

它们是到岸上来晒月亮的，叙述者都说。又或者是有月光的晚上人们才看得见它们，因而才有此一说，不得而知。不过从此以后，养鸭人都选定了有月亮的晚上巡查或是下饵。

码头上漫反射着月光。石阶，滩涂，雨季的时候冲刷上岸的乱枝杈，一寸一寸地扫过去，并没有任何异常。

他经历了无数个像这样没有异常的夜晚，已经习惯了，也并没有丧气，随即掏出夹子，装饵，放血。鸭子还在无声地扑腾，热乎的腥骚气在秋风里穿透力特别强，能够传播得很远，他把上了饵鸭的铁夹摆到了码头的石阶上。

嗜血，是水猴的一大特性。它们一定有着尖长而锋利的嘴，以便他们把人拖到水里以后，能够像蚊子一样插管吸食人血。祖辈上传说遭水猴袭击的人被打捞起来后，体里的水比血还要多，身体其他部位毫发无损，但脚后跟也是有一处致命伤。

既然是特性，那一定就是它们的最大弱点。确定这一点以后，他没有搬走，而是留下来养起了饵鸭，每每月朗风清的夜晚，用新鲜鸭血对水猴实施诱捕。

水线已经下得很深,河岸半露出了狰狞的河床。在码头上布好了饵，养鸭人提起鸭笼，沿着河道的滩涂一深一浅地往渡口走去。

和它们对上之后，他曾沿着河这边走过了水泥厂、造纸厂、氮肥厂、绢纺厂、糖厂，也沿着河那边的三合村走到了六合村，综合见闻和传闻种种，从码头到渡口这一带，是右江河域它们出没最为频繁的地方。

养鸭人借助微弱的月光，远远地就看到了渡口的渡船，无桨无撸的渡船死气沉沉地浮在江面上，长期的晚间作业，已经让他的感官在夜间像猫一样灵敏。

早先厂里效益好的时候，曾经很周到地在这里配了渡船，说是方便职工，其实这边的工厂与那边的村子又有多少的往来。现在，这艘船经过养鸭人的修修补补，已经成为了他的专用工具。

养鸭人提着鸭笼登上了渡船，布夹，放血。他死死地盯着泛着鳞光的水面，眼神里的杀气直抵右江河床底的水猴家族。

九

养鸭人在码头和渡口之间的滩涂来回逡巡。不一会，他的困意就上来了，这在以前是没有的。因为金丝边的到来，他昨晚其实睡得很不透。

他选了个干净的地方坐下来，眯起了眼。混混沌沌间，他看到有个孩子爬上了渡船。“别动，危险！”他朝那孩子大声喊。但孩子似乎没听到，向大铁夹的位置伸出手去。他打一个机灵，就醒过来了。

他没想到这一觉睡了那么长时间，这时候天已经开始放亮，整个河谷都笼罩着一层朦胧的晨雾。

他跳上了渡船一看，流到船板上的一滩鸭血上，竟然有个印子！

先前的鸭血已经结板，衬得它更为真切了。印子不像是爪印，更像是被某种动物的关节蹭了一下，而留下的一个似是而非的印记。

还会有哪一种生灵，能够在一只相对封闭的渡船上留下这样的印记？

直觉告诉他，他要找的东西，正在逼近。

五年前的一个月圆之夜,他也曾有过这样的直觉，过后不久,他就与它们打了迄今为止唯一的一次照面。

那年是罕有的大旱，水位线下得很低，食物链一紧，附近村落便多了家禽家畜遭袭的传闻。 (10)