Bineix daeuj, Dwngzyen Minz- cunghgiz yungh sam aen banhfap netsaed doicaenh hong hwnjguh hanghmoeg ngaenzcienz hwngfat minzcuz vunznoix bi 2017.

It dwg dinghmingz guhhong cwzyin, vih gyavaiq yamqdin hangh- moeg, ciuhai aenhoih hengzguh hanghmoeg ngaenzcienz hwngfat minzcuz vunznoix, caemhcaiq doek- saed lingjdauj faenguenj caeuq vunz guh hong, lingjdauj cujyau caen- ndang gaem, lingjdauj faenguenj ciengzsaeq gaem, aeu yinvu、cwzyin ciengzsaeq doeksaed daengz vunz, giengzvaq moegbiu cwzyinci, gyavaiq le haiguh hong hwnjguh hanghmoeg.

Ngeih dwg giengzvaq gviveh hengzguh. Haeujlaeg daengz aen yanghcin yaek bauq hanghmoeg haenx, doiq dieg hengzguh hangh- moeg guh yiemzgek daengz dieg gaujcaz, caiq yaengdingh hanghmoeg douzyiengq dajveh yiengq yen cwngfuj cingjsi caemhcaiq baefuk ngaenzcienz douzyiengq caeuq dieg hengzguh, yiemzgek ciuq gij iugouz yungh ngaenzcienz hwngfat minzcuz vunznoix, dingh’ok hanghmoeg hengzguh fueng’anq. Dwngzyen ndaej hanghmoeg ngaenzcienz hwngfat minzcuz vunznoix buek daih’it bi 2017 gungh 153 fanh maenz, ngaenzcienz gungh yungh daengz 12 aen hanghmoeg bae.

Sam dwg gyagiengz hanghmoeg dukcaz. Vih baujmaenh hanghmoeg bauj caet bauj liengh, lingjdauj cujyau caeuq lingjdauj faenguenj ciengzseiz cam yamqdin hengzguh hanghmoeg, caemhcaiq gapbaenz cujdukcaz 20 lai baez haeujlaeg daengz aen cin aen cunh hanghmoeg dukcaz hanghmoeg hengzguh cingz- gvang, yawjraen vwndiz gibseiz caeuq cunh、cin、haigoeng danhvei doxgyau caemhcaiq gibseiz guh cingjgaij. Seizneix, Dwngzyen 12 aen hangh- moeg yamqdin hengzguh gaenq bingzyaenz daengz 60% doxhwnj.

(Lij Swngh)