8 nyied 30 hauh banhaet, Bingzsiengz Si Swhswjsanh Segih Veijyenzvei cujyin Luz Veicinh daiq 4 “meh bing” Bouxcuengh bae daengz Cungz- coj Si Gungh’anh Bienfuengz Cihdui Bingzsiengz bienfuengz Baicuzsoj, yawjngonz camnai boux binglaux Cinz Fungh yaek duivuj haenx.

Gyoengq “meh bing” Bouxcuengh caeuq boux binglaux Cinz Fungh damzsim, gujli de dawz budui ndei conzdungj、ndei cozfungh daiq ma mbanjranz, guh hangz ndeu, gyaez hangz ndeu, maij hangz ndeu, maenh hangz ndeu, vih mbanjranz gunghawj ligliengh. Riengzlaeng daihgya itheij doengh fwngz gaenx mba、faeg byaek、bauduk guh gyaujswj caez gwn, ciengzmienh doxhuz nauhyied.

(Cai Cwngh/蔡 铮)