Bouxciengxbit gej caghot Davangz, naeuz: “Deng lo, mehyah Cenz Gyahyouj caeux youq 20 bi gonq couh dai do, gienh saeh neix mwngz couh engq mbouj rox luba.”

Aensim Cau Wjgwz baez doeksaet, gij vah de dajsuenq gangj haenx sawqmwh mbouj miz ingj mbouj miz riz lo.

Caet

Bouxciengxbit ndwn youq baihnaj ranz, aen ranz iq de couh daengj youq henzbien gunghcangj. Youq laj rongh ndithaemh, gij ngaeuz ranzcangj gizgyae coh de caeuq aen ranz iq de singseiq gig daih laemx roengzdaeuj.

Haujlai bi daeuj, cawzliux gij doxgaiq aeu yungh deng naengh gyaq danci gaeuq 24 conq Baiz Funghvuengz daengz Cinghih Cin liz cib leix roen bae cawx, gij haeux gwn aeu bouxgaihaeux youq gij seizgan maqhuz dinghmaenh soengq daeuj, de gig noix caeuq vunz baedauq. Dieg hoengqhangq neix doiq vunz bingzciengz daeuj gangj, saedcaih hoj nyaenxsouh, hoeng de gaenq sibgvenq lo. 20 bi daeuj gij moegbiu caeuq saedceij lumj daengngoenz daj baihdoeng swnghwnj doek roengz baihsae bae, hawj de youq gizdieg hoengqhangq neix roxnyinh gag youq ndaej cungsaed. Doiq de daeuj gangj, neix cij mbouj gvaq dwg youhcaiq daengz fuemx.

Seizneix dwg gij geiqciet ndaw bi de ceiq nyaengq hix dwg ceiq cungsaed. Aenvih seizneix raemxdah youh saw youh feuz, gij doxgaiq neix ciengzseiz okdaeuj, cingq dwg seizndei roengz ngaeuh.

De dawz hwnj aen lauzbya, bued deuz huzluz- raemx mwncum. Gwnz rag huzluzraemx baenz diemj baenz diemj, dwg gij gyaeq saefuzsou. Mbouj gvaq geijlai nanz, doenghgij naed hoengzoiq neix couh bienqbaenz ciencien fanhfanh aen saelwg, youq lajdaej aen daemz neix laeglemx majhung, mbouj- dingz mboujduenh. Seizneix de lauz hwnj, couhdwg gij sae nem youq gwnz rag huzluzraemx caeuq lajdaej daemz.

Cij baengh di sae ndaw daemz neix cix mbouj gaeuq, ngoenzcog, bouxgaihaeux yaek soengq haeux daeuj, caj ciep aeu haeux le, de lij yaek daengz ndaw naz ndaw mieng henzgyawj bae lauz.

Bouxgaihaeux 30 lai bi, aen mbanj de youq haenx liz gizneix cib leix gyae, de sengcingz maij soucomz gak cungj saehriuz. Aenvih baez seizgei dingjlingz ndeu, roxnaj bouxgaihaeux neix lij dapgai gij saehcienz neix le, bouxciengxbit couh mbouj caiq daengz Cinghih Cin cawx haeux, hoeng dwg hawj de youq seiz siengdoiq dinghmaenh soengq daengz ranz, baengh gij leixyouz neix, caeuq de gangjgoj yaep ndeu. Bouxgaihaeux gaenq caeuq de gangj gij saeh de daj boux vunzmbanj Luzhoz Cunh doiqnaj dingq daeuj:

Miz ngoenz ndeu ranz caengz rongh, de romh hwnq daengz ndaw fwnzdong ranz de aeu fwnz, swnh ronghndwen caengz doek roengz baihsae bae, daj gizgyae couh raen gwnz fwnzdong naengh dwk boux lwgnyez daihgaiq seiq haj bi ndeu, daenj geu buhboemz naeng henjmong ndeu, dauqdaej dwg lwgnyez ranz bouxlawz, youq ndaw mok yawj mbouj daiq cingcuj, caengz caj de byaij daengz gyawj, boux lwgnyez haenx couh daj gwnz fwnzdong ndonjret roengzdaeuj, baez ndonjret neix mbouj youqgaenj, cix bienqbaenz ngaeuz boux goenglaux ndeu, bibi buengqbuengq coh ndaw dah byaij bae, neix cij rox swhgeij bungz deng fangzraemx cienzgangj haenx, deng hwk dwk hanhheu conh bae.

Lumj gij saehriuz baenzneix lai dangqmaz. bouxciengxbit lumj bouxdamqcaz ciennieb ndeu, nyinhcaen sijsaeq daj ndaw goj ra rizsienq, souaeu gij saensik de yaek aeu haenx.

Seizneix, bouxciengxbit gaenq lauz ndaej dong iq sae ndeu, gokda de sawqmwh mizdi mbouj cwxcaih, ca mbouj lai couh doengzseiz, Davangz raeuq hwnjdaeuj lo. De swnh dwk gij mbouj cwxcaih neix yawj gvaqbae, raen bouxsai daenj buhcungh- laeuj ndeu, ndangdaej hungsang, najdoiq baiz ranz gaenq cek roengz haenx. Cingq dwg gij raemhngaeuz neix, lumj diuz ding ndeu ding haeuj ndaw seiqgyaiq de sugrox haenx.

“Ra vunz ba?” De coh bouxvunz haenx daih- sing hemq. Bouxvunz haenx cienqndang gvaqdaeuj, bouxciengxbit raen de nienzgeij caeuq swhgeij ca mbouj geijlai, raek fouq gingqda gvaengh gimsei ndeu, yawj hwnjdaeuj lumj boux miz vwnzva ndeu.

Dingqnyi Gvaenghgimsei naeuz “daj baihswix hwnj fungh daihsam……”, de doeksaet yat, haujlai bi daeuj, gaenq gig noix miz gijmaz saehcingz hawj de doeksaet lo. De cam naeuz:“Cenz Gyahyouj, mwngz ra Cenz Gyahyouj?”

Gwnz naj Gvaenghgimsei miz di muengzluenh, sikhaek ngaekngaek gyaeuj. Muengzsueng mbouj onj caeuq aendang hungsang coekcangq de cauxbaenz fanjca gig daih.

“Mwngz dwg …… Laujcenz gijmaz vunz?”

“Boux baengzyoux de.”

Daengz seizneix, de gaenq ndaej duenqdingh, Gvaenghgimsei gangjyaeuh.

Bouxciengxbit gietdingh soulouz de. Bouxvunz 60 bi neix yawj hwnjdaeuj lij cingsaenz gvaekgvaek caeuq de youq aen seiqgyaiq vanzcienz mbouj doengz ndeu gvaq saedceij, neix yaek hawj de youq ngoenzlaeng roxnyinh mizyinx dangqmaz, caiqlix de gaenq haujlai bi mbouj miz hek daeuj cunz lo.

Bet

Gyanghwnz bouxciengxbit hwnqmbonq seiz, Gvaenghgimsei bangxhenz lij ninzcaem.

Aen ronghndwen gwnzmbwn gvaq cungqgyang lo, hainduj roengz baihsae bae, ronghndwen myoxmyod daihgaiq yawj ndaej raen roen. Caeuq bingzciengz ityiengh, de ciuqlaeh mbouj dawz dienhdoengz, aemq siudoengz gagguh, dawz aenloengz haemhlwenz cang ndei ngaeuhbit, lumj duzfangz nei menhmenh byaij dwk, riengz dwk diuzroen gwnz raemx yinhhuq aencangj louz roengzdaeuj haenx, soemh laep byaij coh aensok henz dah.(9)

养鸭人解了大黄的绳结，说：“对了，钱家有的老婆早在二十年前就已经死了，这事你就更不知道了吧。”

赵尔克心里一惊，成形的腹稿顿时无影无踪。

七

养鸭人站在屋前，他的小屋就立在工厂的边缘上。在夕阳的余辉中，远处厂房的剪影排山倒海般地向他和他的小屋倾轧过来。

这许多年来，除了必需品得摆弄那辆旧的24寸凤凰牌自行车到十里开外的靖圩镇去购买，吃的米要卖米人在相对固定时间送来，他鲜与人来往。这样的空旷对一般人来说，实在是难以忍受，但他都已经习惯了。二十年来像太阳一样东升西落的目标和生活，让他在空旷里有着可以自处的充实。对他来说，这只不过是又一个黄昏。

现在是一年当中他最忙碌也是最为充实的季节。因为现在的江水清浅，那东西出没频繁,正是下饵的好时节。

他拿起渔捞，拨开密密匝匝的水葫芦。水葫芦根茎上星星点点的，是福寿螺产下的卵。要不了多久，这些粉红色的小颗粒就会变成千千万万的螺仔，在这口塘底下疯一般地潜滋暗长，延绵不绝。他现在捞起的，就是吸附在水葫芦根部和塘底的螺。

光靠塘里这点螺是不够的，明天，卖米人会把米送过来，等接了米之后，他还得要到附近田沟里去捞。

卖米人三十多岁，住的村子离这里十里远，出于天性，喜欢搜罗各种传闻。因一次偶然的机会认识了这个卖米还搭售传闻的人后，养鸭人便不再到靖圩镇买米，而是要他在相对固定的时间送上门，借着这个幌子，和他聊上一会。卖米人曾同他说起从对面六合村一个村民那里听来的事：

有一天天还没亮，他早起到自家的柴垛去抽柴，趁着还没西沉的月光，远远就看到柴垛上坐着个大概四五岁的孩子，穿着灰褐色的皮袄，到底是谁家的孩子，在薄雾中看得不甚清楚，还没等到他走近，那孩子就从柴垛上窜了下来，这一窜不要紧，倒变成了个老头的背影，一摇一摆地朝河里去了，这才明白自己是遇见了传说中的水鬼，吓出了一身冷汗。

类似这样的传闻举不胜举。养鸭人像一个专业的侦察人员般，认真细致地在这些故事胚中抽丝剥茧，提取自己所需要的信息。

此时，养鸭人已经捞起了一小堆螺，他抬起头来，眼角的余光忽然觉得有些不适，几乎就在同时，大黄叫了起来。他顺着这不适看过去，看到一个身着风衣的男人，身形高大，正对着那排已经拆掉的屋舍。正是这个身影，像一颗钉子一样深深地打入了他所熟悉的世界里。

“找人的吧？”他朝那人大声地喊话。那人转过身来，养鸭人看到他与自己年纪相当，戴了副金丝边眼镜，看起来像是个文化人。

听到金丝边说“左起第三间……”，他吃了一惊，而这许多年来，已经鲜有事情令他吃惊了。他问道：“钱家有，你找钱家有？”

金丝边的脸上闪过一丝慌乱，旋即点了点头。局促不安与他的高大魁梧形成了极大的反差。

“你是……老钱什么人？”

“他的一个朋友。”

至此，他已经可以断定，金丝边在撒谎。

养鸭人决定收留他。这个看上去六十了身上还有一股香煞气的人和他生活在两个完全不同的世界里，这会让他在接下来的一天趣味横生，而他已经很多年都没有访客了。

八

凌晨养鸭人起身的时候，旁边的金丝边还在熟睡。

天空中的半月过了正空，开始西坠，微弱的月光勉强能将道路看出个大概。和往常一样，他照例没有拿手电筒，背了自制的火药筒,提了昨天晚上装好饵鸭的笼子，像幽灵般静悄悄地，沿着厂里留下的水运货道，摸索着走往江边码头。

(9)