8 nyied 19 hauh doengxhaemh, Vanz- gyangh Mauznanzcuz Swciyien“Caez cauh siengjmuengh gyaez youq Vanzgyangh” aen vanjvei swzsienh banghag daihhagseng gungzhoj youq aen yienh neix minzcuz vwnzva gvangjcangz gawjhengz. Mbat hozdung neix dwg youz Cunghgung Vanzgyangh Yenveij、Yencwngfuj cawjbanh, Vanzgyangh Yenveij Senhconzbu、vwnz- gvangjsinhdijgiz、gyauyuzgiz caeuq Gvangjsih Banhgwz Vwnzva Conzmeiz Gunghswh ciepbanh.

Mbat hozdung neix ndaej daengz 20 lai gya giyez simndei caeuq sevei gak gyaiq vunz okcienz, gungh comz ndaej cienzsienh daih’iek 141 fanh maenz, bang le 410 boux guh dangj laeb gaj hagseng hoh gungzhoj、61 boux hagseng 985 yozyau caeuq 3 boux hagseng Cinghvaz Bwzda.

Ciuq cam rox, daj bi 2005 gvaqdaeuj, gag aen Vanzgyangh Gauhcungh couh miz 12 boux gauj hwnj Cinghvaz、10 boux gauj hwnj Bwzda, bibi cungj miz hagseng gauj ndaej daengx guek cungdenj yenyau.

(Veiz Yui / 韦 睿)