Huznozganh diegyouq Nei- mungzguj Huhlunzbeiwj Si Sinhbah- wjhuj Cojgiz Nozganhnozwj Gajcaz baihsaenamz dieg sam goengleix gyae haenx. Huznozganh, comz gij gingjyawj swhyenz huz、dah、dieg- nywj、ndoengfaex、diegcumx、bya youq itheij, yungz diegnywj、ndoeng- faex、minzcuz、dieghenzguek daengj vwnzva youq dieg ndeu.

Huznozganh, raemx lai dwg gij- ndei de. Aen huzhung gvangqlangh haenx, raemx sawdikdik, henz miz geijcib aen huziq hopheux. Yungz- haeuj gingjsaek gyaeundei diegnywj, dauqdingq ingjok gingjsaek ndoeng- faex mwncup, baijok gingjsaek gyaeundei diegcumx, baijyienj gingj- saek gyaeundei baihbaek guekcoj. Huznozganh, nyinh’iemq dwk dieg- nywj Bah’wjhuj gvangqlangh haenx, ungganq dwk diegnywj Wzvwnhgwz cangqcwt hoenghhwd haenx. Gizneix, diegnywj heusausau, cwz yiengz lai raeuh, lumj baenz roix baenz roix naedcaw vanq youq doenghnywj heusausau nei, dwg gij maqmuengh boux ciengx doenghduz youq henz huz haenx.

Huznozganh baihbaek ing Ndoihingh’anhlingj, najdoiq dieg- nywj hung, sam fanh moux ndoeng- coengz youq henzgyawj. Huznozganh, saek raemx gingj bya, goekgaen gyaeraez, nyinh’iemq dwk va、nywj、faexgeq、raemxheu song hamq, ciengx le baenz gyoengq cwz yiengz、 max ndei, romcomz le hanqmbwn、roegbit、roegyaemyieng, baenz dieg mbanjranz duzbya, aen mbwn duzroeg.

Huznozganh, aen gingq bauj lizsij ndeu, ingjok gij ngaeuz bing’ak maxcangq Hahsazwj、Cozcizwj goj- hanz; youh dwg bouh saw lizsij gwnz diegnywj ndeu, geiqsij le gij cienzgangj hawj vunz haenh Bah’wjhuj、 Bulezyadwz、Wzvwnhgwz Sojlunzbu; youh dwg mbaw gvangh- dez lai cungj lai yiengh ndeu, gaekloeg gij vwnzva minzcuz、dwknyaen、ciengx bya、langhciengx lai cungj lai yiengh. Huznozganh, dieg ndei minzcuz, comz le haujlai fungsug. Diegnywj gvangqlangh, miz daegmbauq Bah’wjhuj cangqcwt; huzraemx unqswnh, ingjok gij cingz dahsau Bulezyadwz; ndoengfaex caemrwd, hamz miz gij cezcou diuqfoux dwknyaen gyoengq bouxsai Wzvwnhgwz. Langhbaij gij yiengh vwnzva diegnywj、vwnzva ndoengfaex、vwnzva ciengx bya、vwnzva dwk- nyaen lai yiengh ronghsag, cauxok le fuk veh minzcuz fungsug daegbied gagmiz Huznozganh.

Huznozganh haj saek, comz caez gingj lajmbwn, mbehai fuk veh bak leix, fubfab seizcoz caeuq rengz- hoengh, sengmingh caeuq gikcingz. Diuz dah sawdikdik lae coco, huzraemx bingzbwdbwd ingj raen aen ronghndwen, ndoengfaex gocoengz mwncumcum, diegnywj gvangqlangh gyae’gyanggyang, diegcumx caem- rwdrwd. Huznozganh ajhai aenrungj angqcoux gyoengq bouxhek, naj riunyumnyum deq gyoengq bouxhek daeujdaengz.