Moix ngoenz gou cungj yawjraen gij riunyumj daxboh、daxmeh、lauxsae caeuq beixnuengx daengj vunz. Hoeng, aen riunyumj Siz cujsiz hawj gou nanzlumz.

Gou maij dingq sinhvwnz doengzseiz cienjboq, miz baez ndeu, Siz cujsiz riunyumj dwk gangj naeuz:“Raeuz yaek aeu haenqrengz gaenx guh, mbaet gwn mbaet yungh, vih saedyienh aen siengjmuengh Cung- guek hungmbwk raeuz guh ndei caepcawq.”

Gou naemj haujlai nanz, lij caz gak cungj gak yiengh swhliu, gou rox lo: Siengjmuengh dwg diuz bien max baenaj, hix dwg aen rengzdoengh. Boux vunz raeuz danghnaeuz mbouj miz lijsiengj, couh mbouj rox swhgeij cingq guhmaz, aen minzcuz dangh- naeuz mbouj miz lijsiengj, hix mbouj miz roennaj.

Gou maij fangzhwnz, gyaez yiengjsouh fangzhwnz geizheih, gou cungj loq raen gou rox mbin, mbin gvaq byai bya caeuq gwnz dah; gou loq raen duj va’ngaeux lai lumj haij, gvangq mbouj raen henz; ceiq nanzlumz dwg loq raen aen daeng- ngoenz hoengzfwtfwt menhmenh swng hwnjdaeuj……

Gou baez roxnyinh, mbouj guenj baenzlawz haemzhoj, cijaeu gou miz saenqsim genhding, gou miz lijsiengj, gou lij lau ndaek maz ne? Mbouj ginggvaq rumz fwn, baenzlawz yawj- raen duzdoengz. Ndoj youq ndaw fwn- rumz, mboujyawx youq ndaw diuqfoux, hawj fwnrumz guh buenx. Cangndang yaek hwnjdin, raeuz yaek mbei hung bae naemj, mbei mbwk bae guh, vih ngoenzlaeng guekcoj raeuz hungmbwk okrengz, hawj Cungguek raeuz duz- lungz baihdoeng bonghmbin youq seiqgyaiq.

Aen riunyumj Siz cujsiz hawj gou nanzlumz lij dwg aenvih de hawj gou siengj hwnj gij vah Siz cujsiz. Gij vah de ciengzseiz nyoengx hwnj gou baenzlawz youq aen gangjvei bingz- ciengz guh ok aen cwngzciz mbouj bingzciengz daeuj. Gou ciengz gaenx hag lai lienh, muengh swhgeij ciuhvunz mbouj beg lix.

Vahsug gangj naeuz “Go faex ndeu mbouj baenz ndoeng”. Gou roxnyinh yaek saedyienh aen siengjmuengh Cungguek hungmbwk raeuz, gag baengh gou boux vunz ndeu itdingh guh mbouj ndaej, aenvih neix mbouj gag dwg aen lijsiengj gou ndwi, engq dwg aen lijsiengj mwngz, aen lijsiengj de, aen lijsiengj gyoengq lwglwg lanlan Cungguek, nyienh raeuz daiq aen lijsiengj Cungguek raeuz, haenqrengz buek guh, hawj guekgya raeuz engq fouqgiengz、 engq fouq- miz!

Gou seizseiz geiq gij riunyumj Siz cujsiz youq ndawsim.