Cungzcoj Baksaek Song Aen Si Seiq Aen Yienhsi Doxgap Boq

Saehmoq Vahcuengh《Sih Dwz Naz Denh》Ndaej Angqcoux

Lanzmoeg doengzseiz cienjboq saehmoq Vahcuengh 《Sih Dwz Naz Denh》 daj hai boq doxdaeuj, aenvih gij sing “doj”“huq” doj （neiyungz） de ndaej gyoengq bouxyawj minzcuz vunznoix angqcoux caeuq gyaezmaij, ndaej vunzbiengz haenhndei.

Ciuq cam rox, lanzmoeg doengz- seiz cienjboq saehmoq Vahcuengh 《Sih Dwz Naz Denh》youz Cungzcoj Si Denhdwngj Yen caeuq Baksaek Si Cingsih Si nem Dwzbauj、Nazboh song aen yienh neix doxgap doiok haenx dwg aen lanzmoeg loih saehmoq Vahcuengh hamj si yienh daih’it Guengjsae. Aen lanzmoeg neix daj bi’gvaq ndwen 12 ngoenz 1 hainduj boqcuengq, moix aen singhgiz guh 3 geiz, singhgiz it、singhgiz sam、singhgiz haj boqcuengq baez daih’it, singhgiz ngeih、singhgiz seiq、singhgiz roek dauqboq. Aen cezmuz neix cwgoemq Denhdwngj caeuq Cingsih、Dwzbauj、Nazboh daengj seiq aen yienh（si） henzguek 62 aen yanghcin 175 fanh vunz minzcuz vunznoix. Moix aen singhgiz, gak yienh leih- yungh bingzdaiz Q gyoengq cienz hwnj sibinz saehmoq gvendaengz beksingq 6 diuz doxhwnj, caemhcaiq ei gij gyaciz saehmoq、iugouz vunzlai bonj yienh daengj cingzgvang guh bienbaiz, moix geiz boqcuengq seizgan 10 faen cung baedauq. Daengz seizneix, lanzmoeg《Sih Dwz Naz Denh》 gaenq boq ok 81 geiz, gungh miz yaek daengz 850 faen cung. Lanzmoeg 《Sih Dwz Naz Denh》depgaenh saedsaeh、depgaenh ndwenngoenz、depgaenh vunzlai.

Hai boq lanzmoeg doengzseiz cienjboq saehmoq Vahcuengh《Sih Dwz Naz Denh》, it dwg gya’gvangq diuzroen doxgyau saenqsik, dwk- byoengq “bangxciengz” yienh henz- gyawj saenqsik dox cienzboq, saed- yienh saenqsik caezyungh. Ngeih dwg hawj minzcuz vwnzva dox yungzhab, doengzseiz cienjboq saehmoq Vah- cuengh, vahgangj doengsug rox ngaih, bouxyawj ciepsouh ndaej ngaih, doiq vahgangj gak minzcuz doxgyau dox- doeng miz ndeicawq, swnjcienz minz- cuz vwnzva miz deihfueng daegsaek. Sam dwg gya’gvangq rengzyingjyangj densi meizdij cienzboq, cungbyoengq gij gitgaz bingzdaiz cienzboq yienh caeuq yienh gig mbouj fungfouq gaxgonq, saedyienh rengzyingjyangj densi meizdij cienzboq bienq ceiq hung, haibik ok diuzroen hwngfat gvangjbo densi Vahcuengh diegdeih henzguek ndeu. Seiq dwg doxgyau gingniemh, gaiq ndei doxbouj, coicaenh cauhmoq hwngfat.

(Vangz Souciz/黄寿积)