Seizgan: Ciuhneix

Diegdeih: Cunhveijvei

Vunz ndawheiq:

Maj cihsuh, bouxsai, 50 bi, dangjcihbu suhgi ndaw mbanj

Cangh cujyin, bouxsai, 40 bi, cunhveijvei cujyin ndaw mbanj

Liengz vwnzsuh, mehmbwk, 30 bi, cunhveijvei fucujyin、vwnzsuh

Gingjmuq: Banhgoengsiz cunhveijvei

Haimuq: (Maj cihsuh sim naek- dumdum hwnjciengz.)

Maj cihsuh: (Naengh youq gwnz eij gyangznaek)

Aen gunghcozdui baumbanj ndaw cin haenx vuenh le, gyoengqde cungj mbouj haeujrwz gou boux cunhcihsuh neix geijlai, dauqdaej vih maz ne? Mboengqneix doenghboux gunghcoz duiyenz doiq gou cungj mbouj caep mbouj ndat, mbouj lumj gyoengq gunghcoz duiyenz gaxgonq haenx ngoenznaengz coh gou goenggoeng gingqgingq. Neix dauqdaej vihmaz ha? Nanzdauh gyoengqvunz neix miz boux rox gij hangxhaex dou……

(Cangh cujyin hwnjciengz.)

Cangh cujyin: Gyoengq gunghcozdui baumbanj neix daeuj le, couh lumj vuenh lingh aen mbwn. Geij ngoenz neix ha, gyoengqde roengz mbanj daeuj raen daengz gou nem cihsuh cungj mbouj swt geijlai, dauqfanj bae depgyawj dah vwnzsuh oiq lai, nanz- dauh gyoengqde gaenq ndaej gaem- dawz gij doenjcax dou? (Aen lingz soujgih yiengj, fwngz saenzdwddwd ciep denva.) Vei……

(Maj cihsuh raen Cangh cujyin ciep denva, guhmuengz gomrwz laeglemx dingq. Couh raen Cangh cujyin gven’gvak soujgih.)

Cangh cujyin: Ej meh mwngz! (Uet hanh)

Maj cihsuh: Cujyin, nyaenx caeux byawz dwk denva daeuj？

Cangh cujyin: O, Mbouj rox byawz daj loeng, hawj gou doeksaet caez.

Maj cihsuh: Mwngz lau maz？

Cangh cujyin: A, ……mbouj lau……gou lau maz?

(Liengz vwnzsuh dawz faenh vwnzgen ndeu hwnjciengz.)

Liengz vwnzsuh: (Yawj vwnzgen, nam oksing) Gij hong cienhangh cazcawq “seiqfung” caeuq nduknaeuh vwndiz fatseng youq henz ndang vunzlai haenx, (Fan yawj vwnzgen) Duzguk、duznengznyaen doengzcaez dwk…… Cihsuh, cujyin, miz vwnzgen moq ngamq daeuj daengz, cingj goengdaeuz menh yawj.

(Maj cihsuh、Cangh cujyin song fwngz saenzdwddwd doxlwnz ciep vwnzgen.)

Liengz vwnzsuh: Cihsuh, cujyin, sou song boux baenzlawz la?

Maj cihsuh: A, mbouj…… Mbouj miz maz.

Cangh cujyin: Mbouj…… Mbouj miz maz.

Liengz vwnzsuh: Cihsuh, cujyin, sou menhmenh yawj, gou bae guh di caizliuh gonq, baihgwnz coigitgit, coi aeu gaenj lo.

Maj cihsuh: A, baihgwnz coi aeu gip？(Yiep raixcaix)

Cangh cujyin: Cingqcaen coi aeu gig gip? (Fwngz saenzdwddwd)

Liengz vwnzsuh: Dwg ha, baihgwnz daengq guh maz hong cungj dwg anbaiz ndaej gaenjniuniu, cungj mbouj hawj raeuz ndaej hoengq diemheiq. (Gangj dwk, roengzbae fwdfwd)

Maj cihsuh: Dwg guh gawjbauq caizliuh ba? Mwngz yawj, Sim vunz nanz raen doh ha！

Cangh cujyin: Dwg ha, dah vwnzsuh neix gaenq couh hozhaenz aen eij raeuz nanz lo, seizneix ngamj de lo, raeuz cungj doek roengz ngamzfwngz de bae lo. De baez gawjbauq raeuz, raeuz couh deng caz lo, de couh ndaej swnhleih daeuj ciemq aen diegvih raeuz lo.

Maj cihsuh: Ngeix hwnj gou cingsim son’gyauq de baenzlai