●Ndwen 8 ngoenz 9 hauh, Yungzsuij Myauzcuz Swciyen Dalang Cin banh aen hozdung yienjlienh cainanh wngqgip. Youz dangjyenz、 minzbingh daengj vunz gapbaenz doih’wngqgip, caeuq vunzlai dangdieg caez haiguh fuengz cai deihsaenq、fuengz feiz coemh mbanj、deihcaet caihaih daengj saedguh yienjlienh, daez- sang beksingq gij naengzlig fuengz cai gaggouq caeuq cawqceq wngq- doiq saeh sawqmwh fatseng haenx.

(Lungz Linzci)

●Bineix daeuj, Mungzsanh Yen doenggvaq hwnjlaeb ngaenz- goek hwngfat bangfuz mbanj gungzhoj, sonyinx mbanj gungzhoj yungh haeujguj faenhoengz、haifat yungh ndei diegnamh gveng ndwi、caeuqfaenh hozcozse hwng- fat daengj hingzsik, yungh “it mbanj it banhfap” gaijgez cizdij ginghci hwngfat nanzdaez, bauj- maenh bineix mbanj gungzhoj daengx yienh cizdij ginghci souhaeuj daengz 2 fanh maenz doxhwnj caemhcaiq bi sang gvaq bi.

(Yenz Veiz)

●Geij bi neix daeuj, Denzyangz Yen laebdin gijndei swhyenz, dazyinx gak yanghcin ciuq dieg bae guh hwngfat dajndaem dajciengx, mboujduenh daezsang nungzyez swnghcanj cienniebvaq、 biucinjvaq、 gveih- mozva、 canjniebvaq cingzdoh, gyavaiq guhbaenz gij canjnieb gwzgiz moq “it yangh it daeg- saek、 it mbanj it yiengh”, hawj daegsaek canjnieb diegdieg cungj miz, mizyauq hawj vunzlai diegbya laebdaeb laisou baenz miz.

(Maj Nizya Couh Gyah- gungj)

●Geij bi neix daeuj, Sanh- gyangh Dungcuz Swciyen cung- faen fatok gijndei canjnieb mbawcaz dangdieg, giethab hwnj- guh lajmbanj gyaeundei, bang- coengh bouxguhnaz dangdieg ndaem caz, doengzseiz, hwngfat yawjngonz gingjsaek nungzyez caeuq daejniemh youzcet suencaz mbaetsou mbawcaz, byaij ok diuz roen moq “caz lijyouz doxyungz” he, bangrengz vunzlai gungzhoj dangdieg vut gungz laisou. Seizneix, aen yienh neix miz suencaz 16.5 fanh moux, vunz nangqdaengz canjnieb caz 20 lai fanh boux.

(Danz Gaijhingh)