Bineix daeuj, Denzlinz Yen hopheux cinjcing bangfuz gunggeng cawjsienq, yungh hawj nungzyez demyauq、bouxguhnaz demsou guh moegbiu, cingjhab gak cungj cienz- ngaenz, gyalai canjnieb bangfuz ligdoh, cungdenj bangfuz gveihmoz nungzyez、 daegsaek nungzyez daengj, cugyamq laebguh gij nungzyez daihneix gwzgiz moq canjyezva hwngfat vunqsik.

Aen yienh neix haenqrengz cauh ndei haeuxgwn canjnieb, cietsaed ca ndei guenjleix henhoh doenghnaz gomiuz byonghbi laeng, roengzrengz hawj haeuxgwn cungj canjliengh daengz 9.5 fanh dun doxhwnj; haenq- rengz gungganq hwngfat daegsaek canjnieb, haenqrengz doicaenh bonj yienh byaekheu mbouj miz goeng- haih、mak、oij、raet、 ywdoj、ien、youzcaz daengj daegsaek canjnieb hwngfat; haenqrengz gungganq boux- guhnaz ciennieb hozcozse、ranz dajndaem dajciengx lai、sinhhingz cizyez bouxguhnaz daengj sinhhingz ginghyingz cawjdaez; haenqrengz doicaenh hwnjguh diegguhyiengh nungzyez daihneix, cungdenj fatok diegguhyiengh makgaivaiz canjnieb Lozlij Cin、 diegguhyiengh youq ndaw ndoeng ciengx gaeq Veilinz daengj guhyiengh daiqdaeuz cozyung, coicaenh canjnieb hwngfat, boux- guhnaz demsou baenz fouq; haenq- rengz cauh doi nungzyez daegsaek binjbaiz, daezswng hawj canjbinj mizmingz, cungdenj ca ndei daezswng “rangz Bazdu”“lingzcih”“bit raemx- seuq Licouh”“gaeq ndaw ndoeng” daengj daegsaek gijndei nungzyez canjbinj.

Ciuq cam rox, byonghbi gonq daengx yienh gizdieg swnghcanj cungjciz 20.1 ik maenz, demlai 10.2%, ndawbiengz siuhfeibinj gai- lingz cungjngeg 5.42 ik maenz, demlai 11.2%; bouxguhnaz bouxvunz bingz- yaenz ndaej ceiboiq souhaeuj 5019 maenz, demlai 10 %; vunz hawsingz bouxvunz bingzyaenz ndaej ceiboiq souhaeuj 14777 maenz, demlai 8%.

(Yenj Cinbyauh)