□ Siz Yenzlingz

Mbanjmyauz Canghgyah bya heu raemx saw、gingjsaek gyaeundei、seiqgeiq va hom, gizneix miz doenghnaz bya raemx hophumx、va- ndoeng roegbang guhbuenx; miz gij gyanghongh ndik fwn rwed rong- gyoij、va loenq gwnz ngawhrin haenx; lij miz gij luegbya caemdingh ngiengx gyaeuj raen ronghndwen, ngaem gyaeuj nyouq hom va, dinghdingh naengh dwk dingq non iq hemqswenj, rop rumzhom haeuj rungj dem……

Canghgyah Cunh dieg youq rangh gyang Majdiz Yangh Lungz- swng Gak Cuz Swciyen, gizdieg bya sang nitgyaengj, haijbaz 310-1550 mij, liz yienhsingz miz 35 goengleix gyae, daengx cunh 13 aen cunhminz siujcuj, 232 ranz gungh 929 vunz, ndawde 93% gyaeujvunz dwg Myauzcuz. Ndaw mbanj miz gep sigbei vuengzdaeq Ciuhcingh soengq hawj ndeu, miz go faexgingq geq maj ndaej 2000 lai bi caemhcaiq riuz aen goj saimbwk doxndiep ndeu, miz doxgaiq hoenz vwnzva Myauzcuz, miz aen daizsaenz louzce baenz cien bi guh caeqbaiq daiq miz gij heiq saenzmaed ndeu, lij miz golimz bak bi、roenbenjrin、suenyouz youqndwi、 diegce daizheiq gaeuq、raemx- diuqdat、miuhsaenz cien bi、gizdieg goepingj daengloengz gyanghaemh Cangh- gyah、fairaemx hung、vagut lai saek Feihcouh ndaemganq gihdi daengj, hawj hekyouz doxcaeh bae daengz ndaw mbanj cwxcaih yawjngonz youzcet.

Doengh bi neix daeuj, Cangh- gyah Cunh gaenxmaenx hwngfat vagut Feihcouh daengj gova ndaem- ganq、mouraiz Dilingz caeuq bitheu gaeqfungh daengj hong dajciengx, doengzseiz haenqrengz swnjcienz caeuq hoengzyiengz vwnzva Myauz- cuz, leihyungh seiz hong soeng、ngoenzciet Myauzcuz caeuq ndwen- cieng daengj ciet hung guh lai cungj lai yiengh vwnzva Myauzcuz hoz- dung, gaenxmaenx cujciz beixnuengx Myauzcuz camgya ndaw yienh ciet vwnzva nazmbaeklae daihhingz minzcuz cunzyouz caeuq yienh lajmbanj yezyiz vwnzyi comzyienj, caemhcaiq laemxsim cauxguh aen- mbanj miz daegsaek Myauzcuz, cungfaen baijyienj ok gij cingsaenz ndei caeuq seizdaih caemhbyaij、haenqrengz bae guh、gaenxhong baenz fouq、cauxguh saedceij ndei caeuq gij fungsug fungcingz noengz- nwd naekgywg haenx.

Seizneix, hekyouz daeuj daengz ndaw Mbanjmyauz Canghgyah giz- dieg gyaeundei yinx vunz neix, ndaej daj ndaw gyang va hom faex heu menhmenh byaij gvaqbae, yawj gingjsaek gyaeundei seiqhenz aen- mbanj, yawj baijyienj fungsug fungcingz Myauzcuz dangdieg, ndaej cimz gwn gijgwn feih ndaw mbanj, lij ndaej doxiu bae yawj daengngoenz doekbya caeuq fwjhaemh, roxnaeuz naengh youq laj gofaex, gaem cenj caz ndeu, raix vanj laeujhaeux ndeu, caencik baengxyoux doxcomz miz gangj miz riu dwk itmienh gwn caz gwn laeuj, itmienh yawj roegbang yaep mbin yaep douh, dingq sing roeg hemqswenj cici caca, caenh- cingz bae yiengjsouh cungj saedceij cwxcaih angqyangz haenx……