Ndwen 7 ngoenz 22 daengz 24 hauh, Aen Yenzgiuvei Myauzyoz Lungzlinz Gak Cuz Swciyen cujciz banh aenban son- gyauq(yienj boq) aenvenz Myauzcuz guh 3 ngoenz haenx, ca mbouj geijlai 150 boux beixnuengx Myauzcuz daj gak yanghcin daengx yienh daeuj haenx caeuqfaenh son’gyauq.

Ciuq cam rox, aenvenz dwg cungj siengcwngh vwnzva Myauzcuz he, yienj boq aenvenz Myauzcuz dawz swz、diuh、foux doxyungz guh itheij, baujlouz le gij feihdauh yienghnduj、 caensaed yisuz vwnzva lizsij Myauzcuz. Dinfwngz guh aenvenz liglaiz cungj youz bouxsae fwngz gaem fwngz son’gyauq, mbouj miz saw geiq celouz roengzdaeuj, caiqlij gaujcaz yenzgiu、swnjcienz dinfwngz haemq hojnanz. Seizneix canghheiq rox guh sug guh aenvenz gaenq yied daeuj yied noix, swnjcienz dinfwngz ndei giepnoix vunz, miz gij saetcienz yungyiemj, gip aeu ciengjgouq、baujhoh cungj dinfwngz neix.

(Yangz Dwnghliengz/杨登良)