Cau Wjgwz ndok raek seiz, Linz Yingj youq diegrog aen ban sij faenzcieng ndeu gangj goq, gvaqlaeng aenhoih yenzgiu ngeixlwnh gij cozbinj de, de cix mbouj ganj dauqma.

“Gou cingqcaen bae mbouj ndaej, Cau lauxsae”, de cwngheuh de baenz lauxsae itcig daj 20 bi gonq laebdaeb daengz seizneix, “caiq naeuz, gou bae le hix mbouj miz maz yungh, ndaw yihyen miz canghyw、husw lij miz bouxhohleix, gyoengqde ndaej ciuqgoq mwngz ndei, mboujgvaq dwg lai yungh di ngaenz.” De faensik ndaej gig miz dauhleix, gij vah haenx yienh’ok de cix mbouj dawz hwnj rwz.

Cungj leixsingq neix doiq Cau Wjgwz baez daih’it haeuj yihyen youq, gamjsingq daengz dingj daeuj gangj, deng sienghaih daengzdaej bae. Cau Wjgwz fatyienh, Linz Yingj dangbaenz mehmbwk, gij unqswnh gyaeundei de ginggvaq did nyez、valup、angjhai、reuqnyieg le, cugciemh biujyienh ok doglaeb caeuq haeksat. Youq de ceiq yaek aeu daemxcengj seiz, de baij ok gij yienghceij caeuq mbiengj deng dwkbaih veh cingcuj gyaiqhanh, caezcienz doiq okdaeuj. Gij saedceij de 20 bi daeuj caeuq de doxgven lumjnaeuz deng fwt mbon gyoeng, de roxnyinh raq dem raq gyaeuj ngunh caeuq hwnjgeuq.

Cau Wjgwz youq yihyen cukcuk youq ndwen ndeu. Ok yihyen le, de youq cingsaenz fuengmienh doiq daemxcengj maqmuengh coengzlaiz mbouj- caengz miz gvaq, neix cij hainduj le siengqcin caeuq gij funggek de mbouj doxhab saek di. Duenh ginglig geizgvaiq neix, ceiq cigciep dauqfanj yinxhwnj de gyanaek daejniemh baez caij gyoeng haenx. Youq ndaw ranz, boux vunz ndeu najdoiq seiq mienh ciengz hausak caeuq hoengqhang, de nyaenx mbouj ndaej fanfoek gamjsouh baez loeklak caij gyoeng lumj minghyinh gietdingh haenx. Dawz swhgeij cienzbouh gyau hawj rengznaek yaepyet, miz saek miux song miux cung, ndangdaej baetduenh eiqnyienh gaemguenj, gak giz ndangdaej youq gveng hwnj saetbae naekliengh caeuq gij indot camx haeuj ndok haeuj ngviz doxlwnz cienjvuenh, doeklaeng maenhsaed youh naekcaem dauq daengz eiqnyienh gaemguenj, gij heiqsik loq maz youh diemzsing daj goek heuj cienz daengz byai linx.

Cau Wjgwz fanfoek dauqngeix duenh ginglig lumj gag nyoegnyamx haenx, geijcib bi daeuj gij saeh caeuq vunz de ginglig gvaq haenx lumjnaeuz hix ginglig muzlienh doengzdaengj: Gveng hwnj, saetbae naekliengh, bungqdaemj; caiq gveng hwnj, caiq saetbae naekliengh, caiq bungqdaemj, doek- laeng maenhmaenh saedsaed bungq daengz gwnz diegbingz bae, dwg aen cangj 20 lai bi gonq de bae soucomz caizliuh, ciepdwk, youq ndaw beigingj mong hau neix yienh okdaeuj, dwg fajnaj Vangz Yizmeij, doeklaeng, de roxnyinh miz di dabsaed, byai linx hix diemzswdswd.

Seiq

Cibgouj bi gonq.

Cau Wjgwz cingq gvet mumh, ndaw gingq ingj ok fajnaj de raeuzrwd mbauqmbwt. De gig sijsaeq gvet dwk, doiq gij yienghceij swhgeij, de itcig cungj siujsim riri.

Mbouj haeujsim baez myagyawj, de fatyienh ndaw gingq Linz Yingj youq gwnz mbonq gig gvenqsug cit gij ien de, cingq dinghdingh cim yawj de, gij ronghgywg gyoetgyat daj ndaw gingq giz laeg ronz ciuq daengz lwgbaed de, de nyaenx mbouj ndaej ndangsaenz, fwngz baez saenz, mbiengjgemj loq mazmwd, diuz sienq hoengzgywg ndeu youq ndaw fugfauz yienh okdaeuj lo.

Linz Yingj gveng gij ien ndaw fwngz roengz ndaw cenjraemx gyaeuj mbonq bae, lumj sei ityiengh daj ndaw damj ndonj okdaeuj, loh song faj din lumj duzmeuz nei buet gvaqdaeuj.

De mboujdan mbouj bang de uet lwed, song fwngz dauqfanj lumj gimzbaeu ityiengh daj baihlaeng got de ndaetndet. Indot hawj de roxnyinh cwxcaih.

Song boux vunz gienjgeuj dwk, de damlamz dwk sup gij heiq naengnoh aen ndang de. De hemq dwk sing sang gvaqbouh, couh lumj lwgnyez doekraemx nei.

Hoeng Cau Wjgwz mbouj siengj daiq de hwnj hamq, de cij siengj caeuq de caez mboet youq ndaw raemx dai bae.

Gvaqlaeng, Linz Yingj ngaezngwd cim dwk denhvahbanj naeuz: “Danhvei dou Couh Fan gig gyaez gou, gou hix caeuq de youq rog dandog raennaj geij baez …… Gijneix gou itcig caengz caeuq mwngz gangj gvaq ba? Aen singhgiz satbyai neix de iu gou, naeuz miz saehcingz youqgaenj caeuq gou gangj, danghnaeuz de yiengq gou gouzvaen, gou it di cungj mbouj roxnyinh geizheih.”

Couh Fan de roxnaj, mij bet sang, caeuq Linz Yingj nienzgeij doxdoengz, hix couh dwg naeuz, beij Cau Wjgwz coz yaek gyawj 20 bi, de ndawsim roxnyinh hozgenx dangqmaz. De cienq gvaqdaeuj haenqrengz baenj de, hoeng baez yawj lwgda de, de youh simdingh lo, gijmaz apbik gaumingz youq ndaw da baenzneix cungj deng yawjbyoengq, de amqamq vih swhgeij haxbaenh guh gij saeh saetnaj haenx roxnyinh dwgriu.

Youq ciengz doxdax ndawde, byawz lai yunghsim, byawz couh saetbae gienzcawjdoengh, Cau Wjgwz laegdaeuq rox daengz diemj neix. Youq caeuq Linz Yingj boxgyau ndawde, de mbouj ngeizvaeg ciemq ndaej gijndei. Dwg de vih de dwkhai faq dou doeng daengz lingh aen seiqgyaiq, doiq de daeuj gangj, de couh dwg gij daemxcengj cingsaenz seiqgyaiq de, caiqlix gij fuengsik dahsau coz hoizbauq bouxcoengzbaiq gig ndei, cungj gig genjdanh. Gij seizseiq neix mbouj nanz yawj ok baeyiengq, di neix de dawz ndaej gig cinj.

(4)

赵尔克骨折的时候，林颖在外地一个创作班讲课，之后是她作品的研讨会，她并没有赶回来。

“我实在是走不开，赵老师”，她对他的称呼一直从二十年前延续到了现在，“再说，我去了也没什么用，医院里有医生、护士，还有护工，他们会把你照顾好的，无非也就是多花点钱。”她很理智地给他分析，口气里掩不住的一股子不以为然。

这样的理性对第一次住院、感性到了极点的赵尔克来说，伤害达到了顶点。赵尔克发现，林颖作为女性的柔美在经过萌芽、蓓蕾、绽放、萎败之后，她的独立和冷漠也逐渐表现了出来。在他最需要支点的时候，她摆出一副与残局划清界限的姿态，全身而退。他这二十年来与她相关的生活仿佛被猛然抽空，他感到了一阵阵的眩晕和痉挛。

赵尔克在医院里待了整整一个月。出院后，他在精神上对支点有了一种前所未有的渴望，这才开始了与他的风格完全不搭调的相亲。这段怪诞的经历，最直接的结果反而是强化了他那次踏空的体验。在家里，一个人面对着四壁的苍白和空洞，他无法自己地反复玩味着那次意外中带着宿命感的踏空。将自己完全交付给重力的一刹那，有那么一两秒钟，身体完全摆脱了意愿的控制，各部位在抛空的失重和刺入骨髓的彻痛间轮番切换，最后结实而又笨重地回到意愿的控制中来，微麻而腥甜的气息从齿根直抵舌尖。

赵尔克在意念里对那段经历自虐式的反复回放中，他几十年来经历过的人和事仿佛也经历了同等的淘炼：抛空，失重，重挫；再抛空，再失重，再重挫，最后结结实实撞到水平线上来的，是他二十多年前去采风的厂子，接着，在这灰白色的背景里浮现起来的，是王一美的脸,最后，一丝丝踏实而醇厚的回甘由他的舌尖荡漾开来。

四

十九年前。

赵尔克正刮着胡子,镜子里映出他紧实而俊朗的脸。他刮地很仔细，对自己的外在，他一直很小心翼翼。

不经意地一瞥，他发现镜中的林颖在床上娴熟抽着他的烟，正紧紧盯着他，那道寒光从镜子深处直射穿他的瞳孔，他不禁打了个寒战，手一抖，脸颊上微微一麻，一条鲜红的线就在白沫中现了出来。

林颖将手中的烟扔到了床头柜的水杯里，从毛巾被里丝一般地滑出，赤着双脚像猫一样地跑了过来。

她非但没有替他止血，双手反尔像蟹钳一样从背后紧紧地箍住了他。那股生疼激起了他的一阵快意。

两人笨重地扑扇着，他贪婪地吮吸着她身上每一寸肌肤透发出来的气息。她夸张地喊着，就像一个溺水的孩子。

但赵尔克不想带她上岸，他只想和她双双溺死在水里。

之后，林颖直直地盯着天花板说：“我们单位的周梵很喜欢我，我也跟他在外面单独见过几次面……这个我一直没跟你说吧？这周末他约了我，说是有重要的事情跟我说，如果他跟我求婚，我一点都不会感到奇怪。”

周梵他认识，一米八的个头，与她同龄，也就是说，比赵尔克要年轻将近二十岁，他心里顿时升起一股强烈的妒意。他转过来死死地掐住她，但一看到她的眼神，他就镇定了，任何高明的胁迫在这样的眼神里都会给识破，他暗暗为自己刚才的失态感到可笑。

在一场角逐里，谁投入得越多，谁就丧失了主动权，赵尔克深深明白这一点。在和林颖的交往中，他无疑占了优势。是他为她打开了通往另一个世界的一扇门，对她来说，他就是她精神世界的支点，而年轻女孩回报完美偶像的方式，都很单纯。这是不难看清走势的一局，这一点他捏拿得很准。 (4)