7 nyied 20 hauh, vih ciepcoux dangj cibgoujdaih ciuhai, gaenxmaenx doihaeuj vwnzva ikminz gunghcwngz, fungfouq vunzlai siujsoq minzcuz dieggyae vwnzva swnghhoz, henhoh minzcuz daih doxgiet、henhoh onjdingh sevei caeuq cauh ndei vanzging sevei vah minzcuz vwnzva, Hocouh Si Minzcunghveij、Minzyijveij youq Fuconh Yauzcuz Swciyen Sinhvaz Yangh Mbanjmoq Huzgvangj gawjhengz “Minzcuz Daih Doxgiet Angqcoux Cibgoujdaih” denyingj vah minzcuz haeuj mbanj hozdung.

Ciuq cam rox, Hocouh Si giva bineix 7 nyied faenh daengz nienzdaej yaek bae daengx si Bouxcuengh、Yauzcuz 50 aen mbanj miz 1000 vunz doxhwnj haenx cuengqingj 50 ciengz denyingj vah minzcuz.

(Cau Ginhbinh/赵金宾)