Gaenh geij bi neix daeuj, Denz- linz Yen cungfaen ciuq hawciengz gvilwd、 aeueiq simmuengh boux- guhnaz, giethab hong dingh gienz diegnamh lajmbanj, dawz riuzcienj diegnamh lajmbanj dangguh fuengfap youqgaenj yungh ndei reihnaz、 hwngfat daegsaek canjnieb, mizyauq buqgej le diegnamh lajmbanj gingh- yingz hojnanz. Daengz 6 nyied daej, daengx yienh riuzcienj diegnamh mienhcik gyoebsuenq gaenq daengz 7.03 fanh moux, beij bi’gvaq doengz- geiz demgya 0.64 fanh moux.

Ciuq cam rox, gij cujyau banhfap Denzlinz Yen coicaenh diegnamh lajmbanj riuzcienj dwg “gujli dazyinx+okco、cienjbau、cienjnyiengh、dox- vuenh caeuq haeujguj” daengj, hawj diegnamh ginghyingz saedyienh yauqik ceiq hung. Bineix daeuj, aen yienh neix gak hingzcwngcunh vih guhhung cizdij ginghci caeuq daeg- saek dajndaem dajciengx, foenfoen laebbaenz aen hozcozse ciennieb bouxguhnaz, gyoengqde roxnaeuz gag guh, roxnaeuz caeuq aen giyez lingxdaeuz dox lienzhab, daj ndaw fwngz vunzlai dawz diegnamh riuzcienj okdaeuj, hwnjguh gizdieg hwngfat daegsaek canjnieb, saedhengz doengjit swnghcanj caeuq ginghyingz, roengz- rengz yinx bouxguhnaz daegbied dwg nungzhoh gungzhoj haeujguj, daj gisuz、 binjcungj、 siugai daengj fuengmienh guh swnghcanj cauhmoq, makgaivaiz、 youzcaz、 byaekheu、 ywdoj、 ien、 oij daengj gizdieg guhyiengh yied daeuj yied lai, rengzrwd coicaenh nungzyez dem- yauq、 bouxguhnaz laisou. Seizneix, aen yienh neix cingq haenqrengz gungganq gveihmoz ginghyingz cawj- daej, hawj diegnamh ndaej comz haeuj fwngz bouxak dajndaem dajciengx、 bouxginghyingz lai caeuq giyez bae, gaijbienq gij cingzgvang gaxgonq haujlai diegnamh gveng ndwi roxnaeuz yauqik daemq, doidoengh le ginghci lajmbanj hwngfat gihdiva gveihmozva.

（Liuz Hungzfuz）