6 nyied 24 hauh, Ningzmingz Yenhveij Senhconzbu guhdaeuz, cujciz sam gya simndei giyez Gvangjsih Vanswng cizdonz、Gvangjsih Sangbinjvei Sanghmou Mizhanh Gunghswh、Gvangjsih Ningzmingz Gingjsun Gozci Daciujden, haeuj daengz ndaw diegbya gyae Naznanz Yangh Gujyouh Cunh、Bingzanh Cunh, guh aen hozdung cawjdaez simndei gienbang “bangfuz hohgungzhoj diemjrongh simnyienh iq”, dawz 100 aen lozdi denfunghsen soengq hawj hohgungzhoj song aen mbanj neix, youq ndaw seizhah hwngqndat haenx soengq bae gij rumz liengzsumsum, hawj gyoengqde gamjsouh daengz gyoengq simndei giyezgyah haenx.(Couh Yizgangh/周贻刚)