Vih swnjcienz、 vatcimh minzcuz vwnzva maenhndei, Vanzgyangh Mauznanzcuz Swciyen Minzcunghgiz daj bi 2016 ndwen 1 hainduj, cujciz mizgven vunz, cienzmienh soucomz gojgaeq ndawbiengz Mauznanz Vanz- gyangh. Ndaej daengz bouxmizsim gak gyaiq、 bouxswnjcienz gojgaeq ndawbiengz caeuq lauxhangz minzsuz gaenxmaenx boiqhab, daengz bineix ndwen 5 daej, gungh soucomz faenz- bonj gojgaeq ndawbiengz 26 bien, daih’iek 4 fanh cih saw.

Mauznanzcuz dwg aen minzcuz vunz haemq noix he, cijmiz vah minzcuz bonjfaenh, mbouj miz saw minzcuz bonjfaenh. Mwh nienzdaih caengz cienzdoh saw, gojgaeq ndawbiengz rapdawz gij ciznwngz gungganq ciuhvunz gvanhnen、 daudwz gvanh- nen、 lijlun gvanhnen, hix dwg swnjcienz minzcuz vwnzva caidij youqgaenj ndawde cungj he. Gij gojgaeq ndawbiengz soucomz ndaej haenx dwg cienz naengzliengh ndei, miz gij goengnaengz son’gyauq ndawbiengz haemq ak, lumjbaenz gyaepgouz roenrongh cingqheiq、 fatyiengz mbaet gwn guenjranz、 iuheuh aeueiq bouxgeq gyaez lwgnyez、 danqhaenh ndiepcingz gyaeundei……Gojgaeq hamz miz beksingq Mauznanzcuz muengh gvaq saedceij ndei、 muengh daengzcog ndei. Doenggvaq bien comz gojgaeq ndawbiengz, ndaej hawj bouxcoz ciuhvunz geiq ndaej yaenqsiengq mbanjranz, mboujduenh gyaak nyinh- doengz minzcuz bonjfaenh caeuq roxnyinh minzcuz miznaj.

Ciuq cam rox, doenggvaq bingz- saemj le, yamqlaeng yaek cingj lauxhangz minzsuz daeuj coihgaij、daezlienh caeuq cingjleix gojgaeq neiyungz engq ciengzsaeq bae, bien 《Comz Gojgaeq Ndawbiengz Mauz- nanz》 caemhcaiq okbanj fathengz.

(Luz Veijyiz)