Swnj gonq ciep laeng geij seizcou,

Duh’anh youh bienq ndaej engq hung;

Gij loh gvangqlangh doeng ndaw rungh,

Ndwenngoenz vuenyungz bouxboux haenh.

Gaxgonq ranzvax caen dwg daemq,

Seizneix ranzlouz sang daemx mbwn;

Ce iq youq naj ranzlaeuz ndwn,

Cienzngaenz caih gwn youh caihyungh.

Aeu dienh cawj haeux mbouj miz hoenz,

Moix loen gwn laeuj byaek nohsoengq;

Ok dou roen bingz hix mbouj boengz,

Loem gvaq ndoi lueg doeng dah haij.

Gwnz haw doxgaiq lai dava,

Gyang dah bya gungq henz ruz youz;

Vunz rungh buen daengz rog daeuj

youq,

Bouxboux bienq ndaej engq fouqmiz.

Gaxgonq ndaemnaz lau mbwn rengx,

Baez rengx naz dek haeux couh bengz;

Seizneix daihgya caez okrengz,

Raemxdah loem dat daeuj rwed naz.

Gyang mbanj gizgiz seuq youh cingh,

Sevei vwnzmingz gingjsaek gyaeu;

Roeghenj roegenq geuj henz raeuz,

Aeu haenh aencingz gungcanjdangj.

Sam nyied cosam eufwen heij,

Seizneix gwndaenj gvaq ndaej ndei;

Cwngcwz doiq lwgminz miz leih,

Yaek geiq aencingz gungcanjdangj.